Samsung şirkəti smartfonlar üçün 108 MP'lik kamera modulunu təqdim etdi

Samsung şirkəti smartfonlar üçün 108 MP'lik kamera modulunu təqdim etdi

Texnologiya
12.08.2019 PAYLAŞIM

    Bir neçə müddət bundan öncə Xiaomi şirkəti 64 MP-lik kamera modulunu təqdim edən zaman bildirmişdi ki, o, Samsung şirkəti ilə birlikdə 108 MP-lik kamera moduluna sahib smartfon modelini satışa çıxartmağı planlaşdırır. Bugün isə Samsung şirkəti smartfonlar üçün nəzərdə tutulmuş 108 MP-lik ISOCELL Bright HMX kamera modulunu təqdim etdi. Bu barədə 4pda saytı xəbər verib.


    Ölçüləri 1/1.7” olan 64 MP-lik ISOCELL Bright GW1 kamera modulundan fərqli olaraq yeni kamera modulunun ölçüləri 1/1.33”-ə kimi yüksəlib. Lakin pikselin ölçüsü eynilə qalıb (0.8 mikrometr). Beləliklə təqdim olunmuş yeni kamera modulu 12032x9024 piksel keyfiyyətində fotolar çəkə bilir. Kamera sensorunun ölçüsünün böyüdülməsi həmçinin matrisanın əldə etdiyi işıq miqdarına da müsbət təsir edib. Smart ISO funksiyası sayəsində isə işıqlandırılma şərtlərindən asılı olaraq ən effektiv ISO göstəricisinin seçilməsinə imkan verir.


    Yüksək keyfiyyətli fotoların çəkilməsindən əlavə olaraq ISOCELL Bright HMX sensoru həmçinin saniyədə 30 kadr sürətlə 6K kefiyyətində videoların çəkilməsini də dəstəkləyir. Öz smartfonuna bu kamera modulunu quraşdıracaq ilk şirkət isə Xiaomi olacaq. Bəzi məlumatlara əsasən 108 MP-lik kamera modulunu məhz Xiaomi Mi Mix 4 flaqman smartfonu əldə edəcək. Sözügedən kamera modulunun irimiqyaslı istehsalına isə sentyabr ayında start verilməyi planlaşdırılır.



SİZƏ MARAQLI OLACAQ BİR NEÇƏ MƏLUMAT


Xiaomi şirkəti Mi Mix Alpha-nın qatlana bilən alternativinin patentini aldı

Xiaomi şirkəti hələ bu ilin əvvəlində öz ilk qatalana bilən smartfon modelinin prototipini sərgiləmi..


iPad Pro alternativi Huawei MatePad Pro'nun rəsmi təqdimat videosu çıxdı

Planşet ekosistemində uzun illərdir ki, Apple iPad ilə rəqibsiz olmağın dadını çıxardır. Amma Huawei..


SpaceX-in Starship adlı prototip kosmik gəmisinin testi uğursuz nəticələndi (VİD..

Starhopper adlı prototip kosmik gəminin testlərinin yekunlaşdırılmasından sonra SpaceX şirkəti Stars..


Samsung Galaxy S11 120 Hz tezlikli ekran ilə satışa çıxacaq

Samsung şirkətinin bir sonrakı flaqman modeli Galaxy S11-də 120 Hz ekran istifadə ediləcək. 90 Hz te..


Təqdimata artıq çox yaxın: Galaxy S10 Lite sertifikatlaşdırmadan keçdi

ABŞ-ın FCC adlı sertifikatlaşdırma agentliyinin məlumatlar bazasında büdcəli Galaxy S10 Lite smartfo..


Xiaomi şirkəti Mi Band 3i smart qolbağını təqdim etdi - QİYMƏTİ

Xiaomi şirkəti söz verdiyi kimi bugün Hindistanda öz yeni smart qolbaq modelini təqdim edib.