Samsung şirkəti Windows kompüterlər üçün prosessor istehsalı ilə məşğul ola bilər
Elm & Texnologiya
26.07.2020
Farid Pardashunas
Növbəti 2 il ərzində Apple şirkəti Intel prosessorlarından imtina etməyi və öz kompüterlərində fərdi ARM prosessorlardan istifadəni özünə məqsəd qoyub. Microsoft şirkəti də Qualcomm dəstəyi ilə Windows cihazları mobil prosessora keçirtməyə cəhd göstərir. Lakin bu cəhd heç də uğurlu alınmır. Yeni məlumata əsasən isə Samsung şirkəti bu prosesdə yaxından iştirak etmək niyyətindədir.
Bu barədə Mydrivers.com saytı xəbər verib. Məlumata əsasən Samsung şirkəti özünün Galaxy S20 seriyasında istifadə olunan Exynos 990 flaqman prosessorunun kompüterlər üçün olan versiyasını hazırlayıb. Lakin şirkət hələ bu barədə elan verməyə tələsmir. Belə ki, şirkət həmin prosessorun kompüter tapşırıqlarının öhdəsindən gələcəyinə əmin deyil.
Buna baxmayaraq Samsung bu perspektivli istiqamətdən imtina etmək niyyətində deyil. Məlumatda qeyd edilib ki, Samsung gələcək 5 nanometrlik Exynos 1000 modeli əsasında Windows kompüterlər üçün digər bir prosessor üzərində çalışır. Qeyd etmək lazımdır ki, bütün bunlar sadəcə təsdiq olunmamış məlumat sızıntılarıdır. Heç istisna deyil ki, əslində Samsung şirkəti Windows kompüterlər üçün heç bir prosessor hazırlamır.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək