'Samsung' şirkətinin yeni ixtirası mobil telefon bazarında inqilaba səbəb ola bilər

Belə ki, mütəxəssislər qrafen şarını sintez etməyi bacarıblar. Bu isə öz növbəsində ondan böyük həcmli batareyaların istehsalında, indki smartfonlarda olan sürətli enerji yığma özəlliyindən daha sürətlisinin hazırlanmasında istifadə etmək olar. “Samsung”un aparıcı texnologiyalar institutunun mütəxəssisləri qrafenin sintezi üçün SiO2 kimyəvi birləşməsindən istifadə ediblər. Daha sonra onlar əldə edilmiş qrafen şarlarını cərəyanın ənənəvi litium-ion elementlərində anod və katod üçün material qismində istifadə ediblər.

Şirkət tədqiqatçılarının sözlərinə əsasən qrafen batareyalar 45% daha böyük həcmə sahibdirlər və onlar 5 dəfə daha sürətli enerji yığa bilirlər. Alimlər bildiriblər ki, yeni texnologiya sayəsində smartfon 1 saat ərzində deyil, 12 dəqiqə ərzində tam olaraq enerji yığa biləcək. Bundan əlavə olaraq bu cür batareyalar öz özəlliklərini 60 dərəcə C temperaturda da saxlayırlar. Bu isə öz növbəsində onlardan elektromobillərdə istifadəni mümkün edir. Şirkət artıq bu ixtiranı ABŞ və Cənubi Koreya ərazisində patentləşdirib. Bu texnologiyanın kommersiya məhsullarında nə zaman tətbiq ediləcəyi barəsində isə hələki heç bir məlumat yoxdur.