Samsung-un ilk 5 nanometrlik mobil prosessoru: 8 nüvəli Exynos 1080 prosessoru təqdim olunub

Samsung-un ilk 5 nanometrlik mobil prosessoru: 8 nüvəli Exynos 1080 prosessoru təqdim olunub

Texnologiya
13.11.2020 PAYLAŞIM

    Əvvəlcədən də planlaşdırıldığı kimi Samsung şirkəti Çində Exynos 1080 mobil prosessorunun təqdimatını keçirdib. Təqdim edilmiş yeni prosessor 5 nanometrlik texnoloji proses əsasında hazırlanıb və özündə ARM-dən olan ən yeni nüvələr ilə qrafikanı birləşdirir. Lakin ən maraqlı fakt ondan ibarətdir ki, Exynos 1080 prosessoru orta səviyyəli prosessor qismində çıxış edir. Bu barədə Androidauthority saytı xəbər verib. Exynos 1080-in tərkibinə 2.8 GHz tezlikdə çalışan 4 ədəd Cortex-A78 nüvəsinə, 4 ədəd Cortex-A55 nüvəsinə və 10 nüvəli Mali-G78 qrafik çipinə sahib mərkəzi prosessor daxildir.

    Şirkətin verdiyi məlumata əsasən Exynos 980 ilə müqayisədə Exynos 1080-nin birnüvəli rejimindəki performansı 50%, çoxnüvəli rejimindəki performansı isə 100% yüksəlib. Bununla yanaşı bu prosessorda Amigo adlı yeni alqoritmin istifadəsi sayəsində enerji sərfiyyatı üzrə effektivlik 10% yaxşılaşdırılıb. Sözügüdən prosessor Full HD+ keyfiyyətində 144 Hz-lik və WQHD+ keyfiyyətində 90 Hz-lik təsvir yenilənməsinə sahib ekranları dəstəkləyir.


    Bununla yanaşı Exynos 1080 prosessoru LPDDR5 standartlı RAM yaddaşının, UFS 3.1 standartlı daxili yaddaş həcminin, Bluetooth 5.2-nin və Wi-Fi 6-nın dəstəyini əldə edib. Prosessora inteqrasiya edilmiş 5G modem məlumatları saniyədə 5.1 Gbit sürətlə ötürməyə imkan verir. Exynos 1080 həmçinin 200 MP-lik kameralar ilə çalışa bilir, saniyədə 60 kadr sürətlə 4K keyfiyyətində və HDR10+ rejimində videoların çəkilişini dəstəkləyir. Təqdimat zamanı Samsung bildirib ki, 2021-ci ildə Exynos 1080 prosessorunu Vivo smartfonları əldə edəcəklər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Nəyə görə Qualcomm yeni prosessorunu Snapdragon 875 deyil Snapdragon 888 adlandı..

Son illər ərzində biz öyrəşmişik ki, Qualcomm-un flaqman Snapdragon prosessorları 8x5 kimi adlandırı..


Performanslı nüvə, 5G modem, güclü süni zəka çipi : Snapdragon 888-in texniki öz..

Dünən Qualcomm şirkəti 1 dekabr tarixində təqdim edilmiş Snapdragon 888 flaqman mobil prosessorunun ..


Qualcomm şirkəti 5 nanometrlik Snapdragon 888 prosessorunu anons edib

Dünən Qualcomm tərəfindən keçirilmiş Tech Summit Digital 2020 tədbirinin ilk günündə şirkət Snapdrag..


Tədqiqatçılar internetdə qeydiyyatdan keçmiş domenlərin say statistikasını təqdi..

İldən-ilə saytların sayı daha da artır. Domen adlarının aparıcı provayderlərindən biri olan VeriSign..


Gələn ildən smartfonların qutularında cihazların təmir olunma mümkünlüyü reytinq..

Zəmanət müddətinin bitməsindən sonra smartfonun təmir olunması prosesi bir sıra qəliz nüanslardan ib..


Snapdragon 875 və Snapdragon 775G prosessorlarının bençmark performansları təqdi..

Artıq sabah Qualcomm şirkəti özünün Snapdragon Tech Summit 2020 tədbirini keçirdəcək.

×