Saniyədə 7.5 Gbit yüklənmə sürəti: Snapdragon X60 adlı yeni 5G modem təqdim edildi (VİDEO)

Saniyədə 7.5 Gbit yüklənmə sürəti: Snapdragon X60 adlı yeni 5G modem təqdim edildi (VİDEO)

Texnologiya
19.02.2020 PAYLAŞIM

    Qualcomm şirkəti üçüncü nəsil modem radiosistemi olan Snapdragon X60 5G Modem-RF System-i təqdim etdi. Qualcomm-un bu yeni çipi özündə həm modemi hə də antenləri birləşdirir. Snapdragon X60-da dünyada ilk dəfə 5 nanometrlik texnoloji proses əsasında hazırlanmış modem bloku reallaşdırılıb. Bununla yanaşı bu, dünyada ilk modemdir ki, bütün əsas 5G diapazonlarının və onların bütün kombinasiyalarının aqreqasiyasını dəstəkləyir. Bu barədə 4pda saytı xəbər verib. Snapdragon X60 modemi 5G-nin avtonom rejiminə keçidini sürətləndirmək üçün nəzərdə tutulub.


    Sözügedən modem bütün əsas tezlik diapazonlarını, rejimləri və onların kombinasiyalarını dəstəkləyir. Bura həmçinin mmWave, müddətli (time division duplex, TDD) və tezlikli (frequency division duplex, FDD) bölünmələrə sahib sub-6 və həmçinin səsin 5G NR şəbəkəsində (5G Voice-over-NR, VoNR) göndərilməsi daxildir. Yeni modem çipi 5G dəstəkli mobil cihazlarda məlumatların ötürülmə sürətini artırır. mmWave diapazonunda göstəricilərin maksimal dərəcədə yüksəlməsi üçün Snapdragon X60-da Qualcomm QTM535 mmWave adlı üçüncü nəsil anten modulu reallaşdırılıb.

    Sözügedən anten modulu daha kompakt şəkildə hazırlanıb. Bunun vasitəsilə smartfonların qalınlıqlarını bir qədər də azaltmaq olar. Snapdragon X60-da 5G FDD-FDD, TDD-TDD aqreqasiyalarından və spektrin dinamik bölünmsəindən başqa həmçinin dünyada ilk dəfə 5G FDD-TDD sub-6 aqreqasiyasının dəstəyi reallaşdırılıb. Bunun vasitəsilə mobil operatorlar 5G şəbəkəsinin müxtəlif şəkildə inteqrasiya edilməsini reallaşdıra bilərlər. Bura həmçinin 5G şəbəkəsi üçün LTE tezliklərinin istifadəsi də daxildir. Bu üsul ilə mobil operatorlar məlumatların ötürülmə sürətlərini yüksəldə və 5G şəbəkəsinin istifadə sahəsini genişləndirə bilərlər.

    Qualcomm-un verdiyi məlumata əsasən Snapdragon X60-nın 5G şəbəkəsində təqdim etdiyi naqilsiz internet öz sürəti və gecikmələri ilə fiberoptik internetin göstəriciləri ilə eynidir. Belə ki, yeni modem saniyədə 7.5 Gbit download sürətini və saniyədə 3 Gbit upload sürətini dəstəkləyir. Bununla belə tezliklərin aqreqasiyasız halından fərqli olaraq 5G-nin avtonom rejimində Sub-6 diapazonundakı tezliklərin aqreqasiyası zamanı məlumatların ötürülməsi sürətində 2 dəfə daha yüksək pik sürət göstəricisi əldə etmək olar. Beləliklə Qualcomm şirkəti Snapdragon X60-ın istehsalına bu ilin birinci rübündə başlamağı planlaşdırır. Həmin modemə sahib ilk smartfonlar isə gələn ilin əvvəlində təqdim olunacaqlar. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Jeff Bezos-un Blue Origin şirkəti Orbital Reef adlı orbital kosmik stansiyasını ..

Jeff Bezos-un Blue Origin aerokosmik şirkəti Orbital Reef adlı özəl orbital kosmik stansiyanın yarad..


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..

×