Səudiyyə Ərəbistan qadınları Sophia-ya vətəndaşlığın verilməsindən narazıdırlar
Elm & Texnologiya
04.11.2017
Emil Nəcəfov
Səudiyyə Ərəbistanın qadın sakinləri Sophia adlı robotun vətəndaşlıq almasından narazıdırlar.
O öz başına hicab taxmır və Səudiyyə
qadınlarından fərqli olaraq cəmiyyət arasında kişi himayəçi ilə gəzmir. Bundan əlavə
olaraq qadınlar ona görə narazıdırlar ki, robot sözügedən vətəndaşlığı heç nəyə
görə alıb. Belə ki, həmin ölkənin qadınları xarici vətəndaşlar ilə nikaha
girdikləri zaman onlar öz övladları üçün yaşadıqları ölkənin vətəndaşlığını əldə
edə bilmirlər. Sosial şəbəkələrdə sual yaranıb ki, vətəndaşlıq alandan sonra
Sophia, mühafizəkar krallığın digər qadınları kimi qəbul ediləcəkmi?
Qanuna əsasən
bu ölkənin qadınları xarici vətəndaşla nikaha girdikləri zaman onların
övladlarına həmin ölkənin vətəndaşlığı verilmir.
“Bu mənim üçün çox ağrılı məqamdır. Belə ki, mənim qızımda vətəndaşlıq yoxdur amma hansısa robotda var” – deyə livanlı şəxs ilə evlənmiş Səudiyyə Ərəbistan vətəndaşı Hadeel Shaikh bildirib.
Onun 4 yaşlı qız övladı hələ də vətəndaşlığa sahib deyil. Hələ keçən aydan
qadınlara sükan arxasında oturmağı icazə verən və gələn ildən onların
stadionlara getmələrini qəbul edəcək bir ölkənin qadın robota vətəndaşlıq verməsi
çox gözlənilməz və təəccüblüdür. Hadeel Shaikh daha geniş islahatların
olacağına ümid edir. O öz qızının gələcəyindən narahatdır. Belə ki, onun qızı
sadəcə olaraq yaşama icazəsinə sahibdir.
“Mən istəyirəm ki, o öz anasının sahib olduğu imtiyazlara sahib olsun. Mən burda olmayan zaman da ona bu ölkədə yaxşı davranmalarını istəyirəm” – deyə Shaikh bildirib.
Səudiyyə Ərəbistanın qəyyumluq
sistemi həmçinin ailənin kişi cinsi üzvündən qadının xaricdə təhsili, səyahəti
və digər fəaliyyət sahələri üçün icazəsini tələb edir. “Mənə maraqlıdır ki,
Sophia öz himayəçinin icazəsi olmadan Səudiyyə Ərəbistanı tərk edə bilərmi?” –
deyə ABŞ-da yaşayan Səudiyyə feminist qadın Moudi Aljohani öz Twitter səhifəsində
bildirib.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!