Artıq hər telefon şirkəti yeni modellərində öz "Launcher"ini təkmilləşdirir, amma bir çox köhnə model telefon bu yeni launcherdən faydalana bilmir. İlk öncə "Launcher nədir?" sualını cavablayaq. Ayrıca qeyd edək ki, əgər köhnə və donmalar baş verən bir telefonunuz varsa, aşağıdakı tətbiqləri mütləq yoxlayın.

Bildiyiniz kimi Play Store-da müxtəlif bu tip tətbiqlər var. Amma bu tətbiqlərin əksəriyyəti çoxlu RAM və batareya enerjisi istifadə edir. Biz Technote olaraq araşdırıb və öz təcrübələrimizə əsasən sizlər üçün ən ideal launcher-ləri seçtik.

  Nova Launcher bu kimi tətbiqlər arasında zirvədə olan bir launcher hesab edilir. Ən əsas fərqləri RAM və batareya enerjisini az istifadə etməsidir. Bunun hesabına həm daha stabil, həm də daha sürətli bir təcrübə ilə sizləri qarşılayır. Tətbiq özündə çox sadə interfeysə və geniş ikon dəstəyinə malikdi. Həmçinin proqram menyusunu istəyiniz kimi dəyişdirə bilər və ya tamamilə Pixel tərzində bir menyu ilə saxlaya bilərsiz. Tətbiq bunlardan başqa keçid animasiyalarını da dəstəkləyir. Bu yazdıqlarımızdan sonra deyə bilərik ki, Nova Launcher həm estetik olaraq, həm də stabillik olaraq ən ideal launcher-dir.

 Nova kimi Smart Launcher də az RAM istifadə edir. Amma Nova Launcher'-ə müqayisədə daha az funksiyaları var. Ayrıca batareyaya qənaət kifayət etsə də, Nova kimi mükəmməl deyil. Smart Launcher-in ən fərqli cəhəti çox sadə dizayna malik olması və qısa zaman ərzində hər şeyi anlamağınıza yetəcək qədər standart hazırlanmasıdır. Əgər Nova-nın bir çox funksiyasından istifadə etmirsizsə, Smart Launcher 3 tam sizə görədi.

 "Google" şirkətinin son model telefonları olan Pixel modellərində istifadə etdiyi interfeys təcrübəsini, siz Pixel Launcher ilə yaşaya bilərsiz. Telefonunuzu eyni ilə Google Pixel telefonlari kimi edən tətbiq, ayrıca Google tətbiqləri ilə də yaxşı inteqrasiya olunub. Əgər Google App və Google Assistant kimi tətbiqləri istifadə edirsizsə, bu launcher-dən məmnun qalacaqsız.

 

  Digər Launcher-lər kimi Apex Launcher-də öz funksionallığı ilə önə çıxır. Geniş animasiya dəstəyi, çox saylı Widget-lər ilə birləşərək Apex-i istifadəçilərə sevdirir. Stabil və sadə dizayna malik olan launcher tema dəstəyi ilə də seçilir. Qeyd etmək lazımdır ki, Apex yuxarıda saydığımız launcher-lər kimi az RAM istifadəsindən yoxsuldu. Düzdü Play Store-dakı digər tətbiqlərdən yaxşıdı, amma bir Nova və ya Smart Launcher kimi deyil.

 Buzz tətbiqi digər launcher-lərdən bəzi şeylərdə geridə qalsa da, öz stabilliyi və geniş tema dəstəyi ilə sevilən və seçilən bir tətbiq  olmaqdadır. Sadəcə ən böyük mənfi cəhəti tətbiqdə reklamların çox olmasıdır ki, bu da premium versiya alaraq bu reklamlardan azad ola bilərsiz. Buzz Launcher bizə sadə interfeysi, asan menyu dili ilə tətbiqin rahatlıqla idarəsini təmin edir. Amma RAM və batareya enerjisini istifadəsi olaraq digərlərindən bir xeyli geridədir.