Snapdragon 8 Gen 3 for Galaxy prosessoru Geekbench testlərindən keçib

     Bir neçə gün bundan öncə məlumat ortaya çıxdı ki, Samsung şirkəti Snapdragon 8 Gen 3 prosessorunun daha sürətli versiyası üzərində çalışır. Söhbət, Snapdragon 8 Gen 3 for Galaxy prosessorundan gedir. Gözləntilərə əsasən Galaxy S24 Ultra smartfonu məhz bu prosessor vasitəsilə çalışacaq. Lakin onu bəzi regionlarda Galaxy S24 və Galaxy S24+ modelləri də əldə edə bilərlər. İndi isə məlum olub ki, Snapdragon 8 Gen 3 for Galaxy prosessoru Geekbench testlərindən keçib. Bunun sayəsində onun performans göstəricilərini adi Snapdragon 8 Gen 3-ün performans göstəriciləri ilə müqayisə etmək mümkün olub.

     Beləliklə Snapdragon 8 Gen 3 for Galaxy prosessoru Geekbench-in bir nüvəli testi çərçivəsində 2148 xal, çox nüvəli testi çərçivəsində isə 6618 xal toplayıb. Müqayisə üçün adi Snapdragon 8 Gen 3 prosessoru Geekbench-in bir nüvəli testi çərçivəsində 2234 xal, çox nüvəli testi çərçivəsində isə 6807 xal toplayıb. Sözügedən performans göstəriciləri arasında belə fərqin əsas səbəbləri bilinmir. Mümkün səbəblər siyahısında Snapdragon 8 Gen 3 for Galaxy prosessorunun quraşdırıldığı smartfon prototipinin soyutma sistemi və sistem drayverləri var. Lakin buna baxmayaraq sözügedən nəticələrdən hələ ki, belə qənaətə gəlmək olar ki, Snapdragon 8 Gen 3 for Galaxy prosessoru adi Snapdragon 8 Gen 3-dən heç də sürətli çalışmır.

Bənzər xəbərlər

Elm & Texnologiya

Samsung Snapdragon 8 Gen 3 for Galaxy prosessoru üzərində çalışır

Ice Universe ləqəbli məşhur insayderin vermiş olduğu yeni məlumata əsasən Samsung şirkəti Snapdragon 8 Gen 3 prosessorunun xüsusi versiyası üzərində çalışır.

Elm & Texnologiya

Snapdragon X Elite desktop prosessorunun real test nəticələri ortaya çıxıb

Qualcomm keçən həftə Snapdragon X Elite adlı yeni desktop prosessorunu təqdim etmişdi.

Elm & Texnologiya

Qualcomm-un gələn ilki flaqman mobil prosessoru baha qiymətə satılacaq

Dünən Qualcomm şirkəti rəsmi şəkildə məlumat verdi ki, şirkətin 2024-cü ildə təqdim ediləcək növbəti flaqman mobil prosessoru desktop nüvələri əldə edəcək.

Elm & Texnologiya

Snapdragon 8 Gen 3 müxtəlif bençmarklarda testlərdən keçib

Qualcomm şirkətinin dünən təqdim etmiş olduğu Snapdragon 8 Gen 3 prosessorunun müxtəlif bençmarklardakı testlərinin nəticələri internetdə ortaya çıxıblar.

Elm & Texnologiya

Gələn ilki mobil Snapdragon prosessoru desktop nüvələrini əldə edəcək

Bugün Qualcomm şirkəti Snapdragon 8 Gen 3 ilə yanaşı həmçinin Snapdragon X Elite adlı yeni desktop prosessorunu da təqdim etdi.