Snapdragon 8 Gen 4-ün müxtəlif bençmarklardakı test nəticələri ortaya çıxıb
Elm & Texnologiya
06.11.2023
Emil
Bazarda Snapdragon 8 Gen 3 prosessoruna sahib smartfonların yeni-yeni təqdim olunmalarına baxmayaraq internetdə artıq Snapdragon 8 Gen 4 prosessoru barəsində məlumatlar ortaya çıxmağa başlayıb. Təbii ki, söhbət prosessorun final versiyasından deyil, prototipindən gedir. Snapdragon 8 Gen 4-ün yalnız gələn il təqdim olunacağı gözlənilir. İnternetdə sözügedən prosessorun prototipinin müxtəlif bençmarklardakı test nəticələri ortaya çıxıb və həmin nəticələr artıq indidən diqqəti cəlb edirlər. Beləliklə insayderlərin sözlərinə əsasən Snapdragon 8 Gen 4 prosessoru 3DMark Wild Life Extreme bençmarkında Apple M2 desktop prosessorundan 10% daha çox xal toplayıb.
Daha dəqiq desək, 7200 xal. Bu isə o deməkdir ki, onun tərkibində olacaq Adreno 830 qrafik çipi olduqca güclü olacaq. Bununla yanaşı prosessor Geekbench 6-nın bir nüvəli testi çərçivəsində 2800 xal, çox nüvəli testi çərçivəsində isə 10 000 xal toplayıb. Qeyd etmək lazımdır ki, hələ bir neçə müddət bundan öncə Qualcomm rəsmi şəkildə təsdiqlədi ki, gələn ilki flaqman Snapdragon prosessoru şirkətin Oryon adlı fərdi desktop nüvələrini əldə edəcək ilk Snapdragon modeli olacaq. Bunun məhz Snapdragon 8 Gen 4 olacağı gözlənilir.
Paylaş
Bənzər xəbərlər
Elm & Texnologiya
Snapdragon 8 Gen 3 for Galaxy prosessoru Geekbench testlərindən keçib
Bir neçə gün bundan öncə məlumat ortaya çıxdı ki, Samsung şirkəti Snapdragon 8 Gen 3 prosessorunun daha sürətli versiyası üzərində çalışır.
Elm & Texnologiya
Snapdragon X Elite desktop prosessorunun real test nəticələri ortaya çıxıb
Qualcomm keçən həftə Snapdragon X Elite adlı yeni desktop prosessorunu təqdim etmişdi.
Elm & Texnologiya
Qualcomm-un gələn ilki flaqman mobil prosessoru baha qiymətə satılacaq
Dünən Qualcomm şirkəti rəsmi şəkildə məlumat verdi ki, şirkətin 2024-cü ildə təqdim ediləcək növbəti flaqman mobil prosessoru desktop nüvələri əldə edəcək.
Elm & Texnologiya
Snapdragon 8 Gen 3 müxtəlif bençmarklarda testlərdən keçib
Qualcomm şirkətinin dünən təqdim etmiş olduğu Snapdragon 8 Gen 3 prosessorunun müxtəlif bençmarklardakı testlərinin nəticələri internetdə ortaya çıxıblar.
Elm & Texnologiya
Gələn ilki mobil Snapdragon prosessoru desktop nüvələrini əldə edəcək
Bugün Qualcomm şirkəti Snapdragon 8 Gen 3 ilə yanaşı həmçinin Snapdragon X Elite adlı yeni desktop prosessorunu da təqdim etdi.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
