Snapdragon 8s Elite prosessoru barəsində yeni təfərrüatlar təqdim edilib
Elm & Texnologiya
15.01.2025
Emil
Qualcomm şirkəti keçən ilin oktyabr ayında Snapdragon 8 Elite flaqman prosessorunu təqdim etmişdi. İndi isə şirkət onun subflaqman versiyası olacaq Snapdragon 8s Gen Elite adlı prosessoru üzərində çalışır. Digital Chat Station ləqəbli məşhur insayder öz növbəsində Snapdragon 8s Elite barəsində bəzi təfərrüatları təqdim edib. İnsayderin sözlərinə əsasən subflaqman prosessor 8 nüvəli olacaq və nüvələr onun tərkibində “1 + 3 + 2 + 2” sxemi üzrə yerləşəcəklər.
Snapdragon 8 Elite-dən fərqli olaraq Snapdragon 8s Elite-də Qualcomm-un Oryon adlı fərdi nüvələrindən istifadə edilməyəcək. Bunun əvəzinə subflaqman prosessorda Cortex nüvələrindən istifadə ediləcək. Prosessor özündə Cortex-X4 və Cortex-A720 nüvələrini birləşdirəcək. 1 ədəd nüvə 3.21 GHz tezlikdə, 3 ədəd nüvə 3.01 GHz tezlikdə, 2 ədəd nüvə 2.80 GHz tezlikdə, digər 2 nüvə isə 2.02 GHz tezlikdə çalışacaq. Snapdragon 8s Elite-də qrafik imkanlardan Adreno 830 adlı qrafik çip cavabdeh olacaq. Snapdragon 8s Elite prosessorunun bu ilin birinci yarısında təqdim olunacağı gözlənilir.
Paylaş
Bənzər xəbərlər
Elm & Texnologiya
Snapdragon 8 Elite prosessorunun davamçısı gözləniləndən daha tez təqdim oluna bilər
Qualcomm şirkəti Snapdragon 8 Elite flaqman prosessorunu oktyabr ayında təqdim etmişdi. İndi isə məlumat verilib ki, şirkət artıq onun davamçısı üzərində aktiv şəkildə çalışmağa başlayıb.
Elm & Texnologiya
Qualcomm desktop ARM prosessor üzərində çalışır
Roland Quandt adlı məşhur insayderin vermiş olduğu məlumata əsasən Qualcomm şirkəti desktop ARM prosessor üzərində çalışır. İnsayder belə nəticəyə Qualcomm-un yeni prosessorunun özəllikləri sayəsində gəlib.
Elm & Texnologiya
Qualcomm-un növbəti flaqman prosessorunun qiyməti 200$-dan yüksək ola bilər
Qualcomm gələn il növbəti flaqman prosessorunu təqdim edəcək. Söhbət, Snapdragon 8 Elite prosessorunun davamçısından (şərti adı Snapdragon 8 Elite 2) gedir.
Elm & Texnologiya
Qualcomm Snapdragon 8s Elite prosessoru üzərində çalışır
Qualcomm şirkəti oktyabr ayının sonunda Snapdragon 8 Elite flaqman prosessorunu təqdim etdi. İndi isə insayderlər bildiriblər ki, şirkət bu flaqman prosessorun bir qədər sadələşdirilmiş versiyası üzərində çalışır.
Tech-Biznes
Qualcomm şirkəti Intel-i bütövlüklə almaq ideyasından imtina edib
Bir neçə müddət bundan öncə məlumat ortaya çıxmışdı ki, Qualcomm şirkəti Intel-i almağı planlaşdırır. Bloomberg saytının təqdim etmiş olduğu yeni məlumata əsasən isə Qualcomm bu cür plandan imtina edib.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
