SON DƏQİQƏ: iPhone SE (2020) rəsmi olaraq təqdim olundu - QİYMƏTİ

SON DƏQİQƏ: iPhone SE (2020) rəsmi olaraq təqdim olundu - QİYMƏTİ

Texnologiya
15.04.2020 PAYLAŞIM

    Uzun müddət olmuş məlumat sızıntılarından sonra Apple şirkəti sonunda iPhone SE smartfon modelinin ikinci nəslini təqdim etdi. Lakin yeni büdcəli iPhone modeli iPhone 9 əvəzinə sadəcə olaraq iPhone SE (2020) adını əldə edib. Əvvəlki məlumat sızıntılarında olduğu kimi yenilənmiş iPhone SE (2020) smartfonu 2017-ci ildə satışa çıxmış iPhone 8-in dizaynını və tamamilə yeni texniki göstəriciləri əldə edib. iPhone SE (2020) smartfonu əvvəlki iPhone modellərindən yaxşı tanınan dizaynda hazırlanıb və 4.7 düym Retina HD ekran ilə təchiz olunub. Bundan əlavə olaraq sözügedən smartfon fiziki Home düyməsinə də sahibdir və Touch ID texnologiyası ənənəyə sadiq qalaraq məhz həmin düyməyə inteqrasiya edilib.


    iPhone SE (2020)-nin ekranı həmçinin Dolby Vision, HDR10 texnologiyalarını və Haptic Touch funksiyasını dəstəkləyir. Smartfonun gövdəsi IP67 standartı üzrə sudan qorunma özəlliyinə sahibdir. Yenilənmiş iPhone SE smartfonu hal hazırda aktul olan iPhone 11iPhone 11 Pro modelləri kimi Apple A13 Bionic prosessoru vasitəsilə çalışır. Smartfon 64/128/256 GB daxili yaddaş həcminə sahibdir. Bundan əlavə olaraq yenilənmiş iPhone SE modeli Qi standartı üzrə naqilsiz şarj texnologiyasını, 30 dədiqə ərzində 50% enerji yığma potensialı ilə sürətli şarj texnologiyasını və 2 SIM kart (biri eSIM olmaqla) ilə çalışma özəlliyini dəstəkləyir.

    Sürətli internet bağlantısının əldə olunması üçün Wi-Fi 6 və Gbit-lik LTE-dən istifadə olunur. iPhone SE (2020) 1 ədəd arxa kamera ilə təchiz olunub. Söhbət, f/1.8 diafraqmalı 12 MP-lik kameradan gedir. Smartfon Smart HDRbokeh effektli çəkilişləri dəstəkləyir. Videonu isə saniyədə 60 kadr sürətlə 4K keyfiyyətində çəkmək olar. Ön kamera 7 MP-dir. iPhone SE (2020) iOS 13 əməliyyat sistemi vasitəsilə çalışır. Onun komplektində EarPods qulaqlığı, Lightning konnektoru, Lightning-USB-A naqili və 5 vatt gücündə şarj cihazı var. iPhone SE (2020) 23 aprel tarixində satışa çıxacaq. 64 GB daxili yaddaşa sahib model 399$-a, 128 GB daxili yaddaşa sahib model 449$-a, 256 GB daxili yaddaşa sahib model isə 549$-a satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


İsveçrə hökuməti intihar etmək üçün nəzərdə tutulmuş xüsusi kapsulların istifadə..

Exit International şirkəti intihar etməkdə yardımçı olmaq üçün nəzərdə tutulmuş xüsusi kapsulların h..


Apple şirkətinin ilk AR cihazının əsas özəllikləri barəsində məlumatlar verilib..

Ortaya çıxmış bir çox məlumata əsasən Apple şirkəti gələn il özünün ilk AR cihazını (Artırılmış Real..


Nəyə görə Qualcomm-un yeni prosessoru Snapdragon 8 Gen 1 adını əldə edib?..

Keçən həftə Qualcomm şirkəti Snapdragon 8 Gen 1 adlı yeni flaqman prosessorunu təqdim etmişdi...


Realistik üz mimikalarına sahib Ameca adlı robot sərgilənib (VİDEO)

İnsana bənzəyən robotlar bazarda artıq yeni bir şey hesab edilmir. Məsələn məşhur Boston Dynamics şi..


Qualcomm noutbuklar üçün nəzərdə tutulmuş yeni prosessorlarını təqdim edib..

Smartfonlar üçün nəzərdə tutulmuş Snapdragon 8 Gen 1 prosessorundan sonra Qualcomm şirkəti noutbukla..


Tesla uşaqlar üçün Cyberquad adlı 4 təkərli motosikli təqdim edib - QİYMƏTİ (VİD..

Tesla şirkəti 2019-cu ildə Cybertruck pikapı ilə birlikdə Cyberquad adlı 4 təkərli motosikli də təqd..

×