“Samsung” şirkəti rəsmi olaraq Galaxy Note 8 smartfonunu təqdim etdi.

Öz dizaynını Galaxy Note 8, Galaxy S8-dən götürüb. Yəni, Galaxy Note 8, kənar çərçivələrsiz və yuxarı ilə aşağı hissədə çox nazik çərçivələrə sahib smartfondur. Smartfonun korpusu metal çərçivələrlə əhatə olunub, onun arxa və ön paneli isə şüşə örtüyə sahibdir. Ön panelin aşağı hissəsindəki kiçik çərçivələr səbəbilə barmaq izi skanı, smartfonun arxa panelindəki kameranın yanına yerləşdirilib. Qeyd etmək lazımdır ki, barmaq izi skanına alternativ kimi Galaxy Note 8 həmçinin göz qişası skanı özəlliyinə də sahibdir. Həmçinin smartfon, IP68 standartı üzrə qorunmaya da sahibdir. Bu o deməkdir ki, o, tozdan, kiçik hissəciklərdən qorunur və onu 1.5 metr dərinliyində suya endirmək olar. Galaxy note 8, bu seriyanın ən böyük ekranına sahib modelidir.

Bənzər xəbər

Son Dəqiqə! Daha bir nazir vəzifəsindən azad edildi.

Belə ki, o, 6.3 inç Quad HD+ Super AMOLED ekran ilə təchiz olunub. Həmçinin yeni smartfon özündə Always on Display funksiyasını da qoruyub saxlayıb. Böyük ekranda yenilənmiş S Pen stilusu ilə işləmək çox rahatdır. Keçmiş versiyalardan fərqli olaraq yenilənmiş stilus daha nazik başlığa sahibdir. S Pen vasitəsilə deaktiv olunmuş ekran üzərində belə, qeydlər aparmaq mümkündür. Daha bir maraqlı funksiya isə hansısa ismarıcı yazıb daha sonra onu GIF animasiya şəklində göndərməkdir. Galaxy Note 8, bu seriyanın ilk modeldiir ki, ikili arxa kameraya sahibdir. Belə ki, onlardan biri f/1.7 diafraqmalı və Dual Pixel texnologiyalı genişformatlı obyektivə sahib 12 MP-lik, digəri isə ikiqat optik zoom üçün nəzərdə tutulmuş uzun fokuslu obyektivə sahib 12 MP-lik kameradır.

Bundan əlavə olaraq bu kameralar üçün ikili çəkim funksiyası da əlavə olunub. Bu funksiya vasitəsilə eyni anda hər iki kamera vasitəsilə foto çəkmək mümkündür. Smartfonun ön kamerası isə standart avtofokus özəlliyinə sahib 8 MP-likdir. Standart texniki göstəricilərə gəldikdə isə Galaxy Note 8, satışa çıxacağı regiondan asılı olaraq 8 nüvəli Snapdragon 835 və ya Exynos 8895 prosessorları, 6 GB RAM, 64/128 GB daxili yaddaş (microSD girişi mövcuddur), 3300 mAh enerji tutumlu batareya (sürətli enerji yığma, naqilsiz enerji yığma və sürətli naqilsiz enerji yığma özəllikləri mövcuddur), USB Type-C və 3.5 mm-lik audiogiriş ilə təchiz olunub. Galaxy Note 8, 15 Sentyabr tarixindən satışa çıxacaq və 1180$ qiymətinə satılacaq.