Sony, PlayStation 5 konsolunun funksiyalarını rəsmi olaraq təqdim etdi
Elm & Texnologiya
07.01.2020
Nijat Hamid
Sony konsol ekosistemində lider firma olaraq qalmağa davam edir. PS 4 və PS 4 Pro ilə istifadəçilərə istədiyini verən şirkət bir sonrakı yeni nəsil PlaySation 5 üzərində işləməyə başlamışdı. Bu gün isə CES 2020 sərgisində şirkətin CEO-su Jim Ryan PS 5-in funksiyalarını rəsmi olaraq təqdim etdi. Yeni konsol möhtəşəm olacaq.
CES 2020 sərgisində həmçinin PS 5 loqosu da təqdim edildi. Lakin ən əsas funksiyaların rəsmi olaraq təqdim edilməsi oldu.
Qeyd edək ki, yeni konsol oyun tərəfindən 4K, medya tərəfində isə 8K görüntü dəstəyinə malik olacaq. PlayStation 5-in rəsmi olaraq təqdim edilmiş funksiyaları aşağıdakılardır:
3D Səs dəstəyi: Yeni konsolda olan 3D səs texnologiyası səbəbilə səslər istifadəçilərə daha canlı və dərin ötürüləcək.
Adaptiv və haptik titrəşmə motoru: PS 5-in kontrollerində yeni və xüsusi titrəşmə motoru istifadə edilib. Bunun hesabına yeni konsol istifadəçilərə oyundakı ortamı daha yaxşı hiss etdirəcək. Məsələn personaj otluqda yeriyərkən kontroller ona uyğun titrəşmə verəcək.
Yüksək Sürətli SSD: PS 5 konsolunda xüsusi SSD-lər istifadə ediləcək. Bu səbəbdən oyunların yüklənmə və quraşdırılma sürəti ciddi dərəcə sürətlənəcək.
Avadanlıq əsaslı Ray Tracing dəstəyi: Ray Tracing- İşıq izləmə texnologiyasıdır. Bu da o deməkdir ki, oyunların qrafikaları daha möhtəşəm olacaq, işıqlandırmalar daha təbii göstəriləcək.
Ultra HD Blu-Ray dəstəyi: Ultra HD Blu-Ray disklərinin istifadə artıq 4K keyfiyyətin tam dəstəklənməsi deməkdir. Beləliklə PlayStation 5 ilə oyunları 4K keyfiyyətində oynamaq mümkün olacaq. Həmçinin media tərəfində 8K keyfiyyət dəstəklənəcək.
Həmçinin PlayStation 5-in loqosu da sərgi zamanı təqdim edildi. PlayStation 5 konsolu AMD şirkəti tərəfindən hazırlanmış çipset və videokart ilə təchiz olunub. Yeni arxitektura üzərində hazırlanan konsol əvvəlki nəsilə nəzərən 2-3 qat daha güclü olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
