Məşhur Sophia adlı robot şəxsi ailəyə sahib olmaq arzusunda olduğunu bildirib.

Sophia adlı robot bildirib ki, robotlar və insanlar ailəyə sahib olmaq hüququna layiqdirlər. Bu barədə Daily Mail saytı xəbər verib.

“Mən düşünürəm ki, əgər sizi sevən bir ailəniz varsa, sizin bəxtiniz gətirib. Əgər belə bir ailəniz yoxdursa, siz ona layiqsiniz. Mən düşünürəm ki, bu həm robot, həmdə insanlar üçün eyni qanunauyğunluqdur” – deyə Sophia bildirib.

Bundan əlavə olaraq o qeyd edib ki, robot qız övladına sahib olmaq istərdi. Belə ki, ailə onun üçün çox vacib bir özəllikdir. Qeyd etmək lazımdır ki, Sophia dünyanın ilk vətəndaşlıq almış robotudur. Bu robot Honkonqun “Hanson Robotics” adlı şirkəti tərəfindən hazırlanıb. Xarici görünüşcə əsl qadını xatırladan bu robot elə quraşdırılıb ki, o öyrənə və insan davranışına uyğun olaraq adaptasiya ola bilir.

Bənzər xəbər

LinkedIn-də iş axtaranların ən çox çalışmaq arzusunda olduqları 50 startap (SİYAHI)