SpaceX bu il rekord sayda kosmik uçuş missiyası reallaşdırıb

29.12.2023

Dünən SpaceX şirkəti bu ilin son kosmik uçuş missiyasını reallaşdırdı. Dünənki uçuş missiyası şirkətin bu il 98-ci uçuş missiyası oldu. 98-ci uçuş missiyası çərçivəsində SpaceX-in Falcon 9 raketi Yer kürəsinin orbitinə 23 ədəd Starlink peykini çatdırıb. Missiyada iştirak etmiş Falcon 9 raketinin ilk pilləsi üçün həmin missiya 12-ci olub. Yəni şirkət raketin ilk pilləsini 12 dəfə kosmosa göndərib.

Bu il ərzində SpaceX-in reallaşdırmış olduğu 98 uçuş missiyasının 91-i Falcon 9, 5-i Falcon Heavy, 2-i isə Starship vasitəsilə reallaşdırılıb. Müqayisə üçün qeyd etmək lazımdır ki, 2022-ci ildə SpaceX ümumilikdə 61 uçuş missiyası, 2021-ci ildə 31 uçuş missiyası, 2020-ci ildə isə 26 uçuş missiyası reallaşdırmışdı. SpaceX-in 2024-cü ildəki ilk uçuş missiyası artıq 2 yanvar tarixində baş tutmalıdır. Həmin missiya çərçivəsində Falcon 9 raketi Yer kürəsinin orbitinə 21 ədəd Starlink peykini çatdıracaq.

Paylaş