SpaceX bugün Starship-in ilk orbital uçuşunu reallaşdıracaq

    Çoxdan gözlənilən gün gəlib çatdı. Belə ki, SpaceX şirkəti bugün Starship kosmik gəmisinin ilk orbital uçuşunu reallaşdıracaq. ABŞ-ın Federal Aviasiya İdarəsi şirkətə bu uçuşun reallaşdırılması üçün nəzərdə tutulmuş icazə lisenziyasını təqdim edib. Starship artıq şirkətin Texas ştatındakı Starbase kosmodromunun start meydanında yerləşir. Şirkətin planına əsasən startdan 8 dəqiqə sonra Starship sisteminin Booster 7 adlı sürətləndiricisi Meksika körfəzində Texas sahillərindən 32 km aralıda su üzərindəki platformaya eniş edəcək. Starship-in Ship 24 adlı prototipi isə Yer kürəsi ətraıfnda tam dövrü reallaşdırmadan uçuşunu davam etdirəcək və müəyyən müddətdən sonra Sakit okeanda Havay adalarına yaxın sahədə idarə edilən enişi reallaşdıracaq.