SpaceX dövlət qurumları üçün Starlink-in daha yüksək səviyyədə qorunan versiyası Starshield-i anons edib

SpaceX dövlət qurumları üçün Starlink-in daha yüksək səviyyədə qorunan versiyası Starshield-i anons edib

Texnologiya
06.12.2022 PAYLAŞIM

    SpaceX şirkəti adi istifadəçiləri internet şəbəkəsi ilə Starlink brendi vasitəsilə təmin edir. Lakin dövlət qurumları məlumatların ötürülməsi mövzusunda olan təhlükəsizliyə daha sərt tələblərə sahibdirlər. Məhz bu cür dövlət qurumları üçün SpaceX şirkəti Starshield adlı servisi anons edib. Sözügedən yeni servis Starlink-in texnologiyaları əsasında çalışır. Lakin bununla yanaşı o, əlavə imkanlara sahibdir. Starlink şəbəkəsi məlumatların ötürülməsi zamanı end-to-end şifrələmə sistemindən istifadə etsə də, milli təhlükəsizliyin maraqlarını qorumaq üçün nəzərdə tutulmuş Starshield məlumatların emalı və məxfi məlumatlarn ötürülməsi istiqamətində kriptoqrafik imkanlara sahibdir.

    Bununla yanaşı Starshield sistemi xüsusi peyklərin dəstəyinə də sahibdir. Çox güman ki, söhbət, casus peyklərdən gedir. SpaceX həmçinin qeyd edib ki, o, dövlət səviyyəsində olan müştəriləri üçün sifariş əsasında xüsusi peyk variantlarını hazırlamaq niyyətindədir. Bura həmçinin faydalı yük özəlliyinə sahib xüsusi peyklər də daxildir. Əlavə olaraq Falcon 9 platforması Starshield sisteminin əsas elementlərindən biri rolunda çıxış edir. Sözügedən raket sistemi artıq uzun müddətdir ki, ABŞ hökumətinin müxtəlif məxfi missiyalarının yerinə yetirilməsində istifadə edilir. Pentaqonun SpaceX xidmətlərindən aktiv şəkildə istifadə etdiyini nəzərə almaqla SpaceX şirkəti ABŞ hökumətinin Starshield servisinə böyük maraq göstərəcəyinə ümid bəsləyir.


    Bununla yanaşı heç istisna deyil ki, digər dövlətlər də sözügedən sistemdən istifadə edə biləcəklər. Bununla belə müvafiq texnologiyalar ITAR (International Traffic in Arms Regulations) qaydaları üzrə nizamlanır. ABŞ hökuməti tərəfindən tərtib edilmiş bu qaydalar sistemi müdafiə texnologiyalarının eksportunu məhdudlaşdırır. Başqa sözlə desək, SpaceX özəl şirkət olsa da, çətin ki, o, xüsusi servisləri digər ölkələrə təqdim edə bilsin. Hər halda şirkət bu cür servisləri dəqiq şəkildə Rusiya və Çinə təqdim edə bilməyəcək. Starshield sisteminin tam funksionallığı üçün Starlink v2 adlı yeni nəsil peyklərin istifadə edilib-edilməyəcəyi bilinmir. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..


Samsung iki istiqamətdə qatlana bilən yeni ekranını sərgiləyib

Samsung-un tərkibinə daxil olan Samsung Display şirkəti Flex In & Out adlı yeni qatlana bilən ek..


Apple HomePod 2 smart səsgücləndiricisini təqdim edib - QİYMƏTİ

Apple şirkəti HomePod adlı smart səsgücləndiricisinin ikinci versiyasını təqdim edib.


Tesla-nın 2016-cı ildəki avtopilot sistemi videosu tamamilə quraşdırılma imiş (V..

Tesla şirkəti 2016-cı ildə Model X elektromobili ilə bağlı reklam videosu təqdim etmişdi.

×