SpaceX-in dəyəri 800 milyard dollara çata bilər

    Wall Street Journal-ın məlumatına görə, SpaceX yeni ikincil səhmlərin satışı (secondary sale) üzrə danışıqlara başlayıb. Bu satış şirkəti 800 milyard dollar dəyərində qiymətləndirə bilər. Bu isə SpaceX-in əvvəlki 400 milyard dollarlıq dəyərini ikiqat artırır və onu OpenAI-ı geridə qoyaraq ABŞ-nin ən dəyərli özəl şirkəti edir.

    Hələlik SpaceX mövzu ilə bağlı şərh verməyib və satışın həcmi haqqında məlumat açıqlanmayıb. Bu cür yüksək qiymətləndirmələr artıq özəl bazarlarda adi hala çevrilib. Hazırda OpenAI 500 milyard dollar, Anthropic isə Microsoft və Nvidia investisiyalarından sonra 350 milyard dollar dəyərində qiymətləndirilir. Bu şirkətlər artıq birjada olmadan belə, nəhəng kapitallaşmaya çata bilirlər. Çünki ikincil satışlar onlara həm likvidlik verir, həm də rüblük maliyyə hesabatlarının təzyiqindən azad edir.

    2002-ci ildə təsis olunan SpaceX kommersiya raket buraxılışlarında liderdir və Starlink peyk internet şəbəkəsini idarə edir. Starlink-in noyabr ayına olan məlumata əsasən, 8 milyon-dan çox qlobal istifadəçisi var.