SpaceX şirkəti 2 ədəd neft buruğu alıb: Neft buruqları şirkətə hansı səbəbə görə lazımdır?

SpaceX şirkəti 2 ədəd neft buruğu alıb: Neft buruqları şirkətə hansı səbəbə görə lazımdır?

Texnologiya
21.01.2021 PAYLAŞIM

    Görünür, SpaceX şirkəti Starship kosmik gəmilərinin kosmosa start uçuşları üçün nəzərdə tutulmuş üzən platformaların sıfırdan hazırlanması ideyasından imtina edib. Belə ki, bu məsələdə daha büdcəli versiyalar mövcuddurlar. SpaceX şirkəti Texas ştatında yerləşən 2 ədəd neft buruğu alıb. Sözügedən neft buruqları şirkətin tərkibinə daxil olandan sonra onlardan biri Deimos digəri isə Phobos adını əldə edib.

    Çox güman ki, məhz bu neft buruqları raketlər üçün uçuş kosmodromuna çevriləcəklər. Bu barədə CNBC saytı xəbər verib. Keçən ilin yay fəslində Crew Dragon sərnişin kapsulunun uğurlu şəkildə BKS-ə (Beynəlxalq Kosmik Stansiya) göndəriləndən sonra Elon Musk öz əməkdaşları qarşısına yeni prioritetli məqsəd qoymuşdu. Söhbət, yüzlərlə insanı Aya Marsa çatdıra biləcək çoxistifadəli Starship raketinin hazırlanmasından gedir.


Bu, SpaceX-in 18 illik fəaliyyətinin kulminasiya nöqtəsi olmalıdır.

    Keçən ilin sonunda məlum oldu ki, Musk, Starship prototipinin testi üçün Boka-Çikadakı 2 start meydançasından istifadə etməyi planlaşdırır. İndi isə şirkət iflasa uğramış Valaris adlı şirkətin 2 neft buruğunu alıb. Onlardan hər birinin qiyməti isə 3.5 milyon dollar təşkil edib. Sözügedən neft buruqları birbaşa deyil, keçən ilin iyun ayından fəaliyyətə başlamış Lone Star Mineral Development adlı korporasiyanın vasitəçiliyi ilə alınıb. Bu korporasiya isə SpaceX-in maliyyə direktorunun adına qeydiyyatdan keçirilib. SpaceX hələki bu məsələ ilə bağlı bir fikir bildirməyib.

    Keçən ilin yay fəslində SpaceX üzən kosmodromların inşası vakansiyası açmışdı. İndiyənə kimi bu məsələ ilə bağlı heç bir yeni məlumat ortaya çıxmamışdı. İndi isə şirkətin 2 ədəd meft buruğu alması onu göstərir ki, çox güman ki, maliyyə məsələləri səbəbindən şirkət üzən kosmodromların sıfırdan hazırlanması fikrindən imtina edib və alınmış neft buruqlarının uçuş startı kosmodromlarına çevrilməsinə qərar verib. Heç istisna deyil ki, şirkət daxilində üzən kosmodromların sıfırdan inşası layihəsi davam etdirilir və əldə olunmuş neft buruqları sadəcə olaraq ayrı-ayrı mühəndislik məsələlərinin testləri üçün nəzərdə tutulub. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Qualcomm Snapdragon 895 prosessoru bar'sində ilk məlumatlar verilib

Qualcomm hələ özünün yeni nəsil Snapdragon prosessorunu təqdim etməsə də insayderlər artıq onun barə..


Xiaomi Mi Band 6-da vasitəsilə messencerlərdəki mesajlara cavab vermək funksiyas..

Xiaomi şirkəti Mi Band 6 smart qolbağına hamının çoxdan gözlədiyi funksiyanı daxil etməyi planlaşdır..


Starlink bu ilin sonuna kimi internet sürətini 2 dəfə artıracaq

Bahalı qlobal peyk interneti layihəsi olan Starlink ilk istifdəçiləri saniyədə 50-150 Mbit internet ..


OPPO enerjini hava vasitəsilə ötürən Wireless Air Charging adlı naqilsiz şarj te..

Keçən ayın sonunda Xiaomi və Motorola şirkətləri özlərinin yeni nəsil naqilsiz şarj texnologiyaların..


Apple iPad modellərinin birindən imtina edə bilər

Son illərdə planşetlərə tələbat getdikcə azalır.


Xiaomi fərdi elektromobil istehsalı haqqında yayılmış məlumatlara aydınlıq gətir..

Bir neçə gün bundan öncə məlumat ortaya çıxmışdı ki, Xiaomi şirkəti fərdi elektromobil istehsalını p..

×