SpaceX şirkəti Starship-i 1-2 aydan sonra yenidən orbital uçuşa göndərməyə cəhd göstərəcək

    SpaceX şirkəti Starship kosmik gəmisinin prototipinin ilk orbital uçuşunu 1-2 aydan sonra yenidən reallaşdırmağa cəhd göstərəcək. Bu barədə məlumatı Elon Musk verib. Musk-ın Twitter hesabında abunəçilərdən biri şirkətə məxsus kosmodromun start meydançasının təmirinə 6 ay vaxt lazım olduğunu bildirib. Musk isə buna cavab olaraq qeyd edib ki, onlar böyük ehtimal ilə Starship-in ilk orbital uçuşunu yenidən reallaşdırmağa 1-2 aydan sonra hazır olacaqlar. Qeyd etmək lazımdır ki, şirkət Starship-in ilk orbital uçuşunu keçən həftə reallaşdırmağa çalışmışdı. Özündə Super Heavy ağır raketini birləşdirmiş kosmik gəmi 39 km hündürlüyə qalxandan sonra tarazlığını itirdi və nəticədə havada olarkən partladı.