SpaceX şirkəti Starship kosmik gəmisinin ilk orbital uçuşunun reallaşdırılmasının ikinci cəhdinə aktiv şəkildə hazırlaşır. Şirkət özünün Starbase adlı kosmodromunun start meydançasına Starship-in 25-ci prototipini göndərib. Qeyd etmək lazımdır ki, Starship sistemi iki hissədən ibaritdir. Birinci hissəsini 33 ədəd mühərrikə sahib Super Heavy ağır raketi, ikinci hissəsini isə Starship kosmik gəmisi təşkil edir. Qeyd etmək lazımdır ki, kosmik gəminin daha öncəki prototipinin keçən ay keçirilmiş uçuş testi o qədər də uğurlu olmadı.

    Belə ki, prototip 40 km hündürlüyə qalxandan sonra havada partladı. Starship-in start meydançasına göndərilmiş 25-ci prototipinə gəldikdə isə ilk növbədə onun mühərriklərinin statik testləri keçiriləcək. Lakin ilk orbital uçuşda məhz bu prototipin iştirak edəcəyi də dəqiq deyil. Belə ki, şirkət Starship-in bir neçə prototipi üzərində çalışır. Starship-in ilk orbital uçuşu üzrə növbəti cəhdin nə zaman reallaşdırılacağı hələ bilinmir.