12 000 peykdən ibarət olan nəhəng Starlink peyk interneti proyekti artıq bəzi ölkələrdə istifadəyə verilib. Bəs Starlik proyekti insanlara nə qədər yüksək sürət vəd edir? Elon Musk-ın dediyi kimi Qiqabit sürət limitinə çatmaq mümkündürmü? Bu sualların cavabını SpeedTest platformunun sahibi olan Ookla şirkəti tərəfindən aparılan sürət ölçmə testləri verdi. 

        Reddit platformunun bəzi istifadəçiləri Ookla şirkətinə məxsus saytda Starlink peykləri vasitəsilə edilən sürət ölçmə testlərinə rast gəldilər. Nəticələrə görə Starlink-in verdiyi sürət 30 mbps ilə 60 mbps arasında dəyişir. Upload sürəti isə 5 mbps ilə 18 mbps arasında dəyişir. Bu rəqəmlər hər nə qədər bizə yüksək görünsə də əslində dünya səviyyəsində orta səviyyəli fiber-optik internetə bərabərdir. Yəni Starlink fiber-optik internetdən daha yüksək sürətləri hələki verə bilmir.

        Bu nəticələr ortaya çıxdıqdan sonra bir çox istifadəci Starlink-in vəd etdiyi 1000 mbps internet sürətinə şüphə ilə baxmağa başladılar. Lakin qeyd edək ki, bu proyekt hələki yenidir və bizim gördüyümüz bu testlər ilk mərhələnin nəticəsidir. 12 000 peykin hamsı atmosferə buraxıldıqdan sonra istifadəçilərə veriləcək olan internet sürəti indikindən qat-qat daha yüksək olacaqdır. İnsanları narahat edən bir digər məsələ isə peyk kirliliyidir. Atmosferdə 12000 ədəd peykin olması fikri bir çox insan tərəfindən neqativ qarşılanır.