Süni zəka, insan beyni ilə nə zaman eyni səviyyədə olacaq?

Süni zəkanın insan bacarıqları ilə eyni səviyyədə olması üçün nə qədər zaman lazımdır? Süni zəkanın insandan daha üstün olacağı bir gələcəkdən qorxmaq lazımdır mı? Bu cür sualları mütəxəssislər cavablandırıblar.

“The Age of Em: Work, Love and Life When Robots Rule the Earth” kitabının müəllifi iqtisadçı Robin Hanson düşünür ki, 100 ildən sonra kompüterlər insan beyni ilə eyni səviyyədə olacaqlar. Bu o halda baş verə bilər ki, insanlar beynin emulyasiyasına nail olsunlar. Əks halda bu hadisə 200-300 ildən sonra baş verəcək. Onlar insanları hər bir sahədə əvəz edəcəklər. İqtisadiyyat sürətlə inkişaf etməyə başlayacaq, insanlar işləməyəcəklər və bununla yanaşı onlar varlı olacaqlar.

“Terasem Movement” adlı transhumanizm hərəkatının təsisçisi Martine Rothblatt əmindir ki, kompüterlər insan ilə eyni səviyyədə məhz 21-ci əsrdə olacaqlar. İnsanlar ölümsüzlüyə çatacaqlar. Ölümsüzlük deyəndə onların kompüterləşdirilmiş hissələri nəzərdə tutulur. Belələiklə insanlar öz bədənlərini regenerasiya etmək istəyəcəklər. Nəzərə alsaq ki, robotlar üzərində idarəetməni təbii seçim qanunu həyata keçirdir və insanlarla münasibətdə öz işinə pis yanaşan robota tələbat yoxdur, onda narahat olmağa heç bir əsas yoxdur.

IBM Watson süni zəkasının əsas mühəndisi olan Ruchir Puri düşünür ki, şahmat və go adlı stolüstü oyunlar oynayan insan beyni kompüterdən fundamental şəkildə fərqlənir. İnsan beyni, qayğı, rəhm və ixtiraçılıq qabiliyyəti sərgiləyə bilir. Kompüterlər isə bu xüsusiyyətlərə hələ uzun müddət sahib olmayacaqlar.

Futuroloq və Sinqulyarlıq Universitetinin təsisçisi Ray Kurzweil-in fikrincə 2029-cu ildə kompüterlər insanlarla eyni səviyyədə olmaqla yanaşı onları geridə qoyacaqlar. Bu halda insanlar üçün ən yaxşı strategiya, kompüterlərlə birləşməkdir. Fərqi yoxdur kompüterlər fiziki cəhətdən insanların daxilində və ya xaricində yerləşəcəklər.

Filosof və İnsan Gələcəyi Universitetinin təsisçisi bu mövzu ilə əlaqədar dəqiq bir müddət qeyd etmir. Lakin o əmindir ki, bu hadisə bir neçə onillikdən sonra baş verəcək. Nick bu cür aqibətin ən təhlükəli tərəfi kimi süni zəka üzərində idarəetmənin itirilməsini hesab edir.

“Rethink Robotics” şirkətinin sədri və texniki direktoru Rodney Brooks bu mövzu barəsində heç də optimistik düşünmür. Onun proqnozlarına əsasən insan beyni ilə eyni səviyyədə olacaq kompüterlər 100 ildən sonra yaranacaqlar. Adi it səviyyəsinə isə kompüter növbəti 50-100 il ərzində çatacaq. 20 ildən sonra bir çox ailələr öz şəxsi robotlarına sahib olacaqlar.

İnsan Gələcəyi İnstitutunun süni zəka mütəxəssisləri arasında apardığı sorğu əsasında maraqlı qrafik tərtib olunmuşdur. Həmin qrafikdə robotların, insanları hansı müddət ərzində hansı sahələrdə geridə qoyacaqları qeyd olunub.

Satıcı – maksimum 25 ildən sonra

Uğurlu bir kitabın müəllifi – 25-50 ildən sonra

Cərrah – 25-50 ildən sonra

Süni zəka sahəsində tədqiqatçı – 75-100 ildən sonra

İnsanların fəaliyyət göstərdikləri bütün sahələr – təqribi olaraq 125 ildən sonra.