Süni zəka texnologiyasına sahib LG V30S smartfonu təqdim olundu
26.02.2018
Farid Pardashunas
“LG” şirkəti hal-hazırda Barselonada keçirilən MWC 2018 konqressində süni zəka texnologiyasına sahib LG V30S smartfonunu təqdim etdi.
Yeni təqdim olunmuş model texniki
göstəricilərinə görə adi V30 modelindən heç də fərqlənmir. Yəni o, 18:9 nisbətində
2880x1440 piksel keyfiyyətli 6 düyümlük QuadHD + OLED FullVision ekranla, 6 GB
RAM, 128/256 GB daxili yaddaş (2 TB-a kimi microSD dəstəkli), Snapdragon 835
prosessoru, biri f/1.6 diafraqmalı 16 MP, digəri isə f/1.9 diafraqmalı 13 MP olmaqla
ikili arxa kamera, f/2.2 diafraqmalı 5 MP-lik ön kamera və 3300 mAh enerji
tutumlu batareya ilə təchiz olunub.
Smartfonun əsas özəlliyi onun ThinQ adlı
süni zəka texnologiyasına sahib olmasıdır. Süni zəka texnologiyasının əsas
funksiyaları smartfonun kamerası ilə bağlıdır. Vision AI texnologiyası sayəsində
smartfon obyektləri təyin edərək, mənzərə, portret, yemək, gül və s. kimi
kadrların fotolarını çəkmək üçün optimal rejimi seçir. Məsələn boşqabdakı yemək
fotosunu çəkmək istəyən zaman smartfon avtomatik olaraq yemək rejiminə keçid
edir. ThinQ-nun digər bir funksiyası isə alış-veriş üçün faydalıdır. Belə ki,
smartfonun kamerasını müəyyən məhsula çevirdikdə, kamera onu təyin edir və
yaxınlıqda olan digər mağazalarda həmin seçilmiş məhsulun sərfəli təkliflərini
və ya onun analoqunu göstərir.
Həmçinin bu tətbiq seçilmiş məhsulun digər
fotolarını Pinterest servisindən tapa bilir. Həmdə kamera tətbiqi QR kodları
skan edə bilir. Yaxşı işıqlandırılmamış mühitdə foto çəkimi üçün xüsusi rejim
var. Həmin rejim bu cür mühitdə parlaqlığı 2 dəfə artırır. Bununla yanaşı bu
halda fotonun keyfiyyəti 4 MP-ə qədər düşür. Bütün bu funksiyalardan əlavə
olaraq LG V30S Google Assistant əmrlərini də özündə birləşdirir və Android 7.1.2 Nougat əməliyyat sistemi vasitəsilə çalışır. Təqdim olunmuş
yeni smartfonun çıxış tarixi və qiyməti barəsində isə heç bir məlumat verilməyib.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!