Süni zəkanın insana qarşı üsyanının qarşısını almaq üçün nə etmək lazımdır?

Süni zəkanın insana qarşı üsyanının qarşısını almaq üçün nə etmək lazımdır?

Texnologiya
07.06.2017 PAYLAŞIM

Google” şirkətinin mühəndisi və Miçiqan Universitetinin professoru İqor Markov, süni zəkanın insana qarşı üsyanını, məşhur “Qara Ölüm” xəstəliyi ilə bir səviyyədə tutur. Bütün dünyada Taun xəstəliyi kimi tanınan bu pandemiya, XIV əsrdə təkcə Avropa əhalisinin 1/3 hissəsini məhv etmişdi. İqor Markov, süni zəkanın insana qarşı üsyanının necə qarşısının alınması haqqında fikrini bildirib. İqor Markov qeyd edib ki, orta əsrlərdə mikroskoplar, tibb sahəsində dərin biliklər və hətta infeksiyalı xəstəliklərin təbiəti haqqında ümumi anlayış belə yox idi. Məhz buna görə xəstəlik, uzun illər ərzində yayılmaq da davam edirdi. O, Avropada, Asiyada və Afrikada 60 milyon insanın həyatına son qoymuşdu. Pandemiya sona çatandan sonra belə, heç kim bunun nə olduğunu bilmirdi. Buna oxşar ssenari üzrə süni zəka da insana qarşı üsyan qaldıra bilər. Bununla necə mübarizə aparmaq lazım olduğunu və növbəti zərbənin hardan olacağını heç kim bilməyəcək.

Süni zəka ilə necə mübarizə aparmaq olar sualına cavab kimi isə Markov yenidən tarixə geri qayıdıb. O düşünür ki, bu məsələnin yeganə çıxış yolu, süni zəka ilə dostlaşmaqdır. Keçmişdə qəbilə ovçuları canavarlarla dostlaşaraq onları əhliləşdirmiş və öz təhlükəsizliklərində istifadə etmişdilər. Müasir insan da süni zəkanı düşmən deyil, öz dostu etməlidir. Bu o demək deyil ki, dost olandan sonra təhlükə sovuşacaq. Lakin dost qismində çıxış edəcək süni zəka, insanları digər təhlükələrdən qoruya biləcək. Markov belə bir qənaətə gəlib ki, təhlükəli süni zəkanın yaranmasının qarşısını almaq üçün onu fiziki cəhətdən məhdudlaşdırmaq lazımdır. Onun əldə edə biləcəyi resurslara sərhəd qoymaq lazımdır. Məsələn elektrostansiyaların təhlükəsizlik sistemlərini ciddi şəkildə planlaşdırmaq lazımdır. İnsanlar istənilən enerji mənbəsinə çıxışı idarə etməlidirlər. Əgər kritik infrastrukturun təhlükəsizliyi barəsində düşünülməsə, onda böyük fəlakətlər baş verə bilər. Markov düşünür ki, süni zəkanın özünü təkmilləşdirmək, təmir etmək və özünü kopyalamaq kimi bacarıqlarını məhdudlaşdırmaq lazımdır. Hər bir hazırlanacaq sistem müəyyən boşluqdan ibarət olmalıdır ki, kritik vəziyyətdə həmin boşluqdan istifadə edərək sistemi deaktiv etmək mümkün olsun. O düşünür ki, zərərli süni zəka məhz hansısa hadisənin və ya səhvin ucbatından yarana bilər. Belə hallar üçün isə onu deaktiv edəcək xüsusi sistem hazırlanmalıdır.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


SpaceX şirkəti 2 ədəd neft buruğu alıb: Neft buruqları şirkətə hansı səbəbə görə..

Görünür, SpaceX şirkəti Starship kosmik gəmilərinin kosmosa start uçuşları üçün nəzərdə tutulmuş üzə..


Apple yenilənmiş Face ID texnologiyasının patentini əldə edib

ABŞ-ın patentlər üzrə təşkilatı Apple şirkətinin yeni patent sorğusu barəsində məlumat verib...


Dimensity 1200 və Dimensity 1100: MediaTek 5G dəstəkli 2 yeni mobil prosessoru t..

MediaTek şirkəti rəsmi olaraq 2 yeni mobil prosessoru təqdim edib. Söhbət, Dimensity 1200 və Dimensi..


Elektromobillər üçün sürətli şarj texnologiyasına sahib yeni növ litium-ion bata..

İsrailin StoreDot adlı startapı elektromobillər üçün nəzərdə tutulmuş yeni növ litium-ion batareyası..


Qualcomm büdcəli flaqman smartfonlar üçün 8 nüvəli Snapdragon 870 prosessorunu t..

Qualcomm şirkəti heç gözlənilmədən Snapdragon 870 adlı yeni mobil prosessoru təqdim edib.


İnsayderlər: MediaTek şirkəti Dimensity seriyasına daxil olacaq yeni flaqman pro..

Son zamanlar bazarda ən böyük prosessor istehsalçılarından birinə çevrilmiş MediaTek şirkəti artıq s..

×