Təmsilçilərimiz bugün Kiyevdə Qızıl Bayt müsabiqəsinin finalında layihələrini təqdim ediblər
20.05.2018
Farid Pardashunas
Bugün Kiyev şəhərinin Şevçenko
adına Universitetində “Qızıl Bayt” beynəlxalq yarışmasının finalı keçirildi.
Artıq 10-cu dəfə keçirilən bu yarışda Azərbaycan ikinci dəfədir ki, iştirak
edir. “Qızıl Bayt”ın bugünki finalına Şevçenko Universitetindəki açılış mərasimi
ilə start verilib. Bu haqda dünənki xəbərdə “Qızıl Bayt” yarışının final mərhələsində
iştirak edəcək şəxslərin siyahısını təqdim etmişdik. Həmin siyahıda regional
finalda 1-ci yeri tutmuş iştirakçılar bugünki finalda öz layihələrini münsiflər
heyyətinin qarşısına çıxardıblar. Qeyd etmək lazımdır ki, bu il Azərbaycan 6
nominasiyada təmsil olunur. Yarışın açılış mərasimindən də məlum oldu ki,
münsiflər heyyətində Microsoft, Intel, Ubisoft və Wargaming kimi şirkətlərin
nümayəndələri var. Beləliklə yarışın final mərhələsində layihələri IT və
startap sahəsində tanınmış mütəxəssislər dəyərləndirib. Biz də Technote olaraq AzerTelecom, Bakcell
Applab dəstəyi ilə STEP IT Academy tərəfindən təşkil olunmuş bu yarışın final günündə Azərbaycanı
təmsil edən iştirakçıların yanında olduq.
Əlavə olaraq, “Short
Movie” (“Hər şey bizim Əlimizdədir” layihəsi – Əli Cavad), Mobile Development (“Wi-Fi
File Manager” layihəsi – Turxan Bədəlov), StartUp Challenge (“Run2Help” layihəsi
– Heydər Gərəyzadə / “Wand” layihəsi – Anar Əliyev) və Web Project (“Stock Up”
layihəsi – Ruslan Bayramov) nominasiyaları üzrə olmuş təqdimatlar münsiflər
heyyətinin böyük marağına səbəb olmuş və yüksək qiymətləndirilmişdir. Sabah, yəni
20 May tarixində qaliblərin adları açıqlanacaq və mükafatların verilməsi mərasimi
keçiriləcək. yarış üçün nəzərdə tutulmuş uduş fondu olan 20.000$ dəyərində
mükafatlar qaliblər arasında bölünəcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!