Təqdimata hazırlaşan Snapdragon 8 Elite (Snapdragon 8 Gen 4) prosessorunun bəzi texniki imkanları təqdim edilib
Elm & Texnologiya
08.10.2024
Emil
Qualcomm artıq bu ayın sonuna yaxın Snapdragon 8 Elite (Snapdragon 8 Gen 4) flaqman prosessorunu təqdim edəcək. İndi isə insayderlər bu yeni flaqman prosessorun bəzi texniki imkanlarını bölüşüblər. Beləliklə insayderlər bildiriblər ki, Snapdragon 8 Elite prosessorunun tərkibinə 8 nüvə daxil olacaq. Onlardan 2-si yüksək performanslı nüvə, 6-sı isə enerji effektivliyi nüvəsi olacaq. Bununla yanaşı məlumatda qeyd edilib ki, yeni prosessor LPDDR5X standartlı RAM yaddaşlarını dəstəkləyəcək.
Keçən ilki Snapdragon 8 Gen 3 kimi Snapdragon 8 Elite də UFS 4.0 standartlı daxili yaddaş həcmlərinin dəstəklərini özündə birləşdirəcək. Prosessorda qrafik imkanlardan Adreno 830 qrafik çipi cavabdeh olacaq və o, Snapdragon 8 Gen 3-ün sahib olduğu qrafik çipdən 40% daha performanslı olacaq. Snapdragon 8 Elite prosessorunun dəstəkləyəcəyi digər özəlliklərə gəldikdə isə 144 Hz–lik təsvir yenilənməsinə sahib 3840x2540 piksel keyfiyyətə qədər olan ekranları qeyd etmək olar.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
