Təqdimata hazırlaşan yeni Huawei Kirin prosessorunun bəzi texniki imkanları açıqlanıb
Elm & Texnologiya
18.01.2024
Emil
Çinli insayderlərdən biri Huawei şirkətinin təqdimata hazırlaşan yeni Kirin prosessorunun bəzi texniki göstəriciləri barəsində məlumat verib. Beləliklə insayderin sözlərinə əsasən yeni Kirin prosessoru 8 nüvədən təşkil ediləcək. Söhbət, 4 ədəd yüksək performanslı nüvədən və 4 ədəd enerji effektivliyi nüvəsindən gedir. Məlumatda qeyd edilib ki, yeni Kirin prosessoru 32 GB-a kimi LPDDR5-6400 standartlı RAM yaddaşlarını, 2 TB-a kimi daxili yaddaş həcmlərini və minimum iki ədəd USB 4 girişini dəstəkləyəcək. Yeni prosessorda qrafik imkanlardan Maleoon 910 adlı qrafik çipinin cavabdeh olacağı qeyd edilib. Məlumata əsasən sözügedən yeni Kirin prosessorunun performans səviyyəsi 2020-ci ildə satışa çıxmış iPad Pro-da istifadə edilən A12Z prosessorunun performans səviyyəsi ilə eyni olacaq.
Paylaş
