Təqdimatdan bir gün qabaq Redmi K70-in hansı prosessoru əldə edəcəyi açıqlanıb

     Xiaomi-nin Redmi brendi təqdimatdan bir gün qabaq Redmi K70 smartfon seriyasına daxil olacaq adi Redmi K70-in hansı prosessor vasitəsilə çalışacağını açıqlayıb. Beləliklə şirkət tərəfindən verilmiş məlumata əsasən sözügedən smartfon keçən ilki Snapdragon 8 Gen 2 prosessoru vasitəsilə çalışacaq. Bununla yanaşı şirkət təsdiqləyib ki, adi Redmi K70 smartfonu 2K keyfiyyətli ekrana, 50 MP-lik əsas arxa kameraya və 120 vatt gücündə sürətli şarj texnologiyalı 5120 mAh enerji tutumlu batareyaya sahib olacaq.