Tesla-nın 2016-cı ildəki avtopilot sistemi videosu tamamilə quraşdırılma imiş (VİDEO)

Tesla-nın 2016-cı ildəki avtopilot sistemi videosu tamamilə quraşdırılma imiş (VİDEO)

Texnologiya
19.01.2023 PAYLAŞIM

    Tesla şirkəti 2016-cı ildə Model X elektromobili ilə bağlı reklam videosu təqdim etmişdi. Həmin videoda Model X-in sahib olduğu avtopilot sisteminin bütün imkanları sərgilənmişdi. İndi isə məlum olub ki, şirkət tərəfindən 2016-cı ildə təqdim edilmiş videoda əks edilmiş imkanlar tamamilə quraşdırılma olub. Bu barədə məlumatı şirkətin keçmiş əməkdaşı Tesla-ya qarşı qaldırılmış məhkəmə iddiası çərçivəsində təqdim edib. Məlumatda qeyd edilib ki, 2016-cıildə təqdim edilmiş videoda elektromobil əslində sürücü tərəfindən idarə edilib və həmin vaxtda Model X işıqforun qırmızı işığında avtomatik şəkildə dayanma və daha sonra yaşıl işıq zamanı hərəkətə başlama sisteminə sahib olmayıb. Sözügedən reklam videosu Tesla şirkətinin rəsmi saytında hələ də mövcuddur. Elon Musk öz növbəsində həmin videonu Tesla elektromobilinin fərdi şəkildə hərəkət etməsi məsələsində sübut kimi dəfələrlə istifadə edib. Videoda həmçinin belə bir sloqan da var: “Sürücü oturacağındakı insanın olması sadəcə hüquqi səbəblərə görədir. O, heçnə etmir. Avtomobil fərdi şəkildə hərəkət edir”.


    Lakin məlum olub ki, Model X əslində avtopilot vasitəsilə hərəkət etməyib. Bu məlumatı Tesla-nın avtopilot sistemi üzrə proqram təminatının keçmiş direktoru Ashok Elluswamy təqdim edib. O bu məlumatı Tesla-ya qarşı qaldırılmış məhkəmə iddiası çərçivəsində təqdim edib. Qeyd etmək lazımdır ki, 2018-ci ildə Tesla elektromobilinin iştirakı ilə baş vermiş avtomobil qəzası nəticəsində Apple şirkətinin mühəndisi vəfat etmişdi. Məhz bu hadisədən sonra Tesla-ya qarşı məhkəmə iddiası qaldırılmışdı. Həmin hadisədən sonra Tesla etiraf etmişdi ki, qəza zamanı elektromobilin avtopilot sistemi aktiv şəkildə olub. Ashok Elluswamy bildirib ki, 2016-cı ildə təqdim edilmiş reklam videosunun hazırlanmasında öncədən təyin edilmiş hərəkət marşrutunun 3D kartoqrafiyasından istifadə edilib. Bununla belə videonun çəkilişləri zamanı sürücülər elektromobilin hərəkətini öz üzərlərinə götürməli olurdular.

    Ashok Elluswamy-nin sözlərinə əsasən elektromobilin sürücüsüz vəziyyətdə park edilməsi zamanı o, şirkətin parkinqində olan hasarla toqquşub. Bununla yanaşı məlumatda qeyd edilib ki, sözügedən videonun çəkilməsini Elon Musk özü istəyib. “Videonun əsas məqsədi 2016-cı ildə şirkətin müştəriləri üçün nələrin aktiv olduğunu göstərmək deyildi. Onun əsas məqsədi elektromobil sisteminə nələrin inteqrasiya edilə biləcəyini göstərmək idi” - deyə Ashok Elluswamy qeyd edib. Videonun həmin vaxtlarda şirkətin satışa çıxmış elektromobillərində avtopilot sisteminin imkanlarını sərgiləyib-sərgiləmədiyi sualına isə Ashok “bu belə deyil” cavabını verib. 2018-ci ildə baş vermiş avtomobil qəzası nəticəsində həyatını itirmiş Apple mühəndisinin həyat yoldaşının maraqlarını təmsil edən vəkilin sözlərinə əsasən sözügedən video istifadəçilərdə Tesla-nın avtopilot sistemi barəsində səhv fikirlərin yaranmasına səbəb olub.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..


Samsung iki istiqamətdə qatlana bilən yeni ekranını sərgiləyib

Samsung-un tərkibinə daxil olan Samsung Display şirkəti Flex In & Out adlı yeni qatlana bilən ek..


Apple HomePod 2 smart səsgücləndiricisini təqdim edib - QİYMƏTİ

Apple şirkəti HomePod adlı smart səsgücləndiricisinin ikinci versiyasını təqdim edib.


Apple ilk qarışıq reallıq (AR + VR) cihazının büdcəli versiyası üzərində çalışır..

Apple şirkəti hələ də bu ilin sonuna kimi öz ilk qarışıq reallıq (AR + VR / Mixed Reality) cihazını ..

×