Tesla-nın 25.000$-a satılacaq ən büdcəli elektromobilinin prototipi artıq hazırdır

Tesla-nın 25.000$-a satılacaq ən büdcəli elektromobilinin prototipi artıq hazırdır

Texnologiya
13.08.2021 PAYLAŞIM

    Çin bloqlarında ortaya çıxmış məlumata əsasən Tesla şirkətinin 25.000$ qiymətində olacaq ən büdcəli elektromobilinin prototipi artıq şirkətin Şanxaydakı dizayn mərkəzində yaradılıb və hal hazırda testlərdən keçir. Potensial olaraq Tesla-nın ən büdcəli elektromobili artıq bu ilin sonunda şirkətin Çindəki zavodunda istehsal prosesinə keçid edə bilər. Keçən ilin sentyabr ayında Musk bildirmişdi ki, Tesla yaxın 3 il ərzində tamamilə yeni elektromobili bazarda təqdim edəcək və onun qiyməti 25.000$ təşkil edəcək. Daha sonra Musk öz tweet-lərində bildirmişdi ki, yeni elektromobilin yaradılması tapşırığı şirkətin Şanxaydakı dizayn mərkəzinə ötürülə bilər.

    Çindən olan mənbələrin məlumatlarına əsasən Tesla şirkəti özünün ən büdcəli elektromobilini artıq yaradıb və hətta onun istehsalı üçün lazım olan komponentlərin istehsalçılarını da təyin edib. Lakin elektromobilin tez zamanda istehsalat prosesinə keçidi mümkün olmayacaq. Məsələ burasındadır ki, yeni elektromobil yeni formatda olan batareyalar əsasında qurulub və həmin batareyaların istehsalatında problemlər yaşanır. Tesla üçün 4680 formatlı yeni batareyaların istehsalı ilə LG Energy Solution, Samsung SDI Panasonic şirkətləri məşğul olmağa hazırdırlar.


    Lakin onlar tərəfdən yeni formatlı batareyaların irimiqyaslı istehsalına yalnız 2023-cü ildə start verilə bilər. Batareya çatışmazlığı səbəbilə Tesla artıq Semi yük maşınının və Cybertruck pikapının irimiqyaslı istehsalını 2022-ci ilə təxirə salmağa məcbur olub. Qeyd etmək lazımdır ki, Tesla özü üçün yeni formatlı batareyaların istehsalını Berlindəki zavodunda reallaşdırmağı planlaşdırır. Lakin bir sıra bürokratik problemlər səbəbilə Berlindəki zavodun bu ilin sonuna kimi işə düşəcəyinə zəmanət yoxdur. Çox güman ki, Berlindəki zavod ilə bağlı problemin həlli özünü 2022-ci ildə tapacaq. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Çində kriptovalyutalar ilə bağlı bütün tranzaksiyalar qadağan olunub

Çin Xalq Bankı kriptovalyutalarla bağlı olan istənilən tranzaksiyaların qanunsuz və qadağan olduğunu..


Avropa Komissiyası bütün cihazların şarjları üçün USB Type-C-ni vahid standarta ..

Gözlənildiyi kimi Avropa Birliyinin icraçı orqanı olan Avropa Komissiyası smartfon və digər elektron..


Apple şirkətinin AR cihazı barəsində yeni məlumatlar verilib

iPhone 13-ün təqdimatından sonra Apple şirkəti çoxlu sayda tənqidə məruz qaldı. Lakin verilmiş yeni ..


Avropa Birliyi smartfonlar üçün şarj cihazlarının vahid standartını hazırlayır: ..

Avropa komissiyası sabah smartfonlar, planşetlər və qulaqlıqlar üçün nəzərdə tutulmuş şarj cihazları..


İnsayderlər Apple A16 Bionic prosessoru barəsində ilkin məlumatları veriblər..

Mütəxəssislərin fikirlərinə əsasən iPhone 13 modellərində istifadə olunan Apple A15 Bionic prosessor..


SpaceX-in Inspiration4 adlı mülki missiyası uğurla yekunlaşıb

Inspiration4 adlı mülki missiya çərçivəsində istifadə edilmiş Crew Dragon kosmik gəmisi uğurla Atlan..

×