Optimus-ların nümayişindəki təfərrüatlar, iştirakçıların açıqlamaları ilə gün üzünə çıxıb. Məsələn, iştirakçılardan biri olan Robert Scoble, bir Optimus robotuna süni intellektin onu nə dərəcədə idarə etdiyini soruşub. İstehzalı bir tərzdə cavab verən Optimus, "Bir az" deyərək sualı cavablayıb. Bundan sonra Scobl, məsələni araşdıraraq robotların arxa planda insanlar tərəfindən idarə edildiyini, süni intellektin isə onların hərəkətlərini istiqamətləndirdiyini öyrənib.

     Optimus şousu ilə bağlı açıqlama verən tək şəxs Robert Scoble olmayıb. Morgan Stanley analitiklərindən Adam Jonas da mövzu ilə bağlı açıqlama verərək, Optimus nümayişinin göründüyü qədər gerçək olmadığını bildirib. Jonas-ın açıqlamasına görə, robotlar insan müdaxiləsi ilə şou göstərə bilmişdilər. Eyni zamanda adi iştirakçılardan da müxtəlif açıqlamalar gəlib. Məsələn, bir iştirakçı Optimus-un ona "Bu gün bir insan tərəfindən dəstəklənirəm" dediyini iddia edib. Görək Elon Musk bu məsələ ilə bağlı nə kimi açıqlama verəcək.