main-post-cover

    Tezliklə smartfonlara toxunmadan sadəcə üzünüzlə tətbiqləri idarə edə biləcəksiniz!

    Elm & Texnologiya
    15.05.2024
    Chinara Pardashunas

         Google, ilk dəfə keçən il təqdim etdiyi və üzünüzü mouse-yə çevirdiyi “Project Gameface” texnologiyasını Android-ə gətirir. Həmçinin tərtibatçılar da bu texnologiyanı ehtiva edən tətbiqləri hazırlaya biləcəklər.

         Google keçən ilki I/O tədbirində “Project Gameface” adlı tenologiyanı təqdim etmişdi. Stolüstü qurğular üçün təqdim edilən bu sistem, üzünüzlə mouse kursorunu idarə etməyə imkan verirdi. Bu ilki I/O tədbirində isə "Project Gameface"in Android-ə gələcəyi açıqlandı. Dünən gecəki tədbirdə Google, Project Gameface-in Android tərtibatçıları üçün açıq mənbəyə çevriləcəyini açıqladı. Bu o deməkdir ki, Project Gameface, proqramlara inteqrasiya oluna bilər və istifadəçilər tezliklə onu heç bir əlaqə olmadan yalnız üzləri ilə idarə edə biləcəklər.
         Project Gameface, bu funksiyanı təmin etmək üçün cihazın kamerasındanMediaPipe-ın ​​Face Landmarks Detection API-dən gələn və üz ifadələrindən ibarət bir məlumatlar bazasından istifadə edir. Üz və baş hərəkətləri aşkar edildikdən sonra kursor hərəkətlərinə çevrilir və üz ilə idarə imkanı təqdim edilir. Gameface layihəsi əvvəlcə oyunçular üçün əlçatanlıq xüsusiyyəti kimi təqdim edildi, lakin bu, məhdud hərəkətliliyi olan insanlara da kömək edə bilər.
         Keçən il Google, bu texnologiyanın üzdəki 468 nöqtəni aşkarlaya biləcəyini və hər üz ifadəsinə fərqli hərəkətlərin təyin edilə biləcəyini bildirmişdi. Məsələn, sağ klik üçün gülmək və ya sol klik üçün göz qırpmaq kimi hərəkətlər müəyyən edilə bilər. Gələcəkdə Android tərtibatçıları bunların smartfonlardakı tətbiqlərə gəlməsini təmin edə biləcəklər.
     
    Linki kopyala

    Bənzər xəbərlər

    Oxşar xəbərlər
    Google şirkəti Gemini 1.5 Flash adlı yeni süni zəka modelini təqdim edib
    google-sirketi-gemini-15-flash-adli-yeni-suni-zeka-modelini-teqdim-edib
    Google foto tərtibatı üçün Imagen 3 adlı ən güclü süni zəka sistemini təqdim edib
    google-foto-tertibati-ucun-imagen-3-adli-en-guclu-suni-zeka-sistemini-teqdim-edib
    Google Gemini ilə daha dərin nitq ünsiyyətini təmin edən Gemini Live funksiyası təqdim edilib (VİDEO)
    google-gemini-ile-daha-derin-nitq-unsiyyetini-temin-eden-gemini-live-funksiyasi-teqdim-edilib-video
    Google şirkəti Veo adlı video tərtibatı alqoritmini təqdim edib (VİDEO)
    google-sirketi-veo-adli-video-tertibati-alqoritmini-teqdim-edib-video
    Google Pixel 9 smartfonlarının real fotoları təqdim edilib
    google-pixel-9-smartfonlarinin-real-fotolari-teqdim-edilib