Qeyd etmək lazımdır ki, vaxtı ikən “Apple”dan qovulmuş Steve Jobs, bir müddətdən sonra şirkətə geri qayıdaraq onu, dünyanın aparıcı İT şirkəti etdi. Kalanick, həmin hadisəni məhz “Uber”lə təkrarlamağa niyyətlidir. Nəzərinizə çatdıraq ki, Kalanick, şikətdə baş vermiş bir sıra münaqişələrdən sonra İyun ayında “Uber”dən getdi. Technote-un, Business Insider-ə istinadən verdiyi məlumata əsasən güman olunur ki, onun getməsində əsas rolu, investorlar tərəfindən təzyiqlər oldu. Bu ilin Fevral ayında “Uber”in keçmiş əməkdaşı öz blogunda, şirkətdə olan seksizm problemləri haqqında yazmışdı. Daha sonra isə Kalanick ilə bağlı münaqişə böyük səs-səda yaratdı. Belə ki, Kalanick-in, Uber sürücüsünə qışqırması ilə bağlı video bütün internetə yayılmışdı.Hal hazırda şirkətin, liderə ehtiyacı var. Görünür ki, Kalanick yenidən həmin vəzifəyə keçmək istəyir. Məlumata əsasən Yaponiyanın internet nəhəngi “SoftBank”, “Uber”in miyardlıq hissəsini almağı planlaşdırır. “Uber”in direktorlar şurası hələ də bu cür imkanın yaxşı ideya olub-olmadığı barəsində fikirləşir. Belə ki, “SoftBank”, “Uber”in bir çox rəqiblərinə külli miqdarda investisiyalar yatırıb. Çox güman ki, Kalanick, yaponiya investisiyalarını, şirkətdəki digər səhmdarların paylarını dağıtmaq və “SoftBank”ın rəhbəri Masayoshi Son-u öz müttəfiqi etmək üçün istifadə edərdi. Qeyd etmək laızmdır ki, Masayoshi Son, Kalanick-in eynidən “Uber”ə qayıtmasını dəstəkləyir. Lakin çox az ehtimal var ki, yaxın müddət ərzində Kalanick yenidən “Uber”ə qayıtsın. Belə ki, şirkətin direktorlar şurasından heç kim onu dəstəkləmir.