Məşhur taksi servisi Uber-in təsisçisi və CEO-su Travis Kalanick, bilinməyən müddətə kimi məzuniyyətə yollanıb. O bu barədə şirkət işçilərinə yolladığı məktubda qeyd edib. Məktubunda Travis qeyd edib ki, o öz anasının vəfatı səbəbilə bir qədər dincəlməlidir. Bundan əlavə olaraq o, şirkət ilə son vaxtlarda baş vermiş bütün uğursuzluqların məsuliyyətini daşıdığını və öz liderlik xüsusiyyətlərini təkmilləşdirəcəyini etiraf edib. Qeyd etmək lazımdır ki, 1 həftə bundan öncə “Uber”, 708 milyon dollarlıq rüb itkisini elan etmişdi . Təsis edildiyi 2008-ci ildən bu günə kimi şirkət ümumilikdə 15 milyard dollar investisiya cəlb edib. Həmin vəsaitdən isə 7.2 milyard dollar qalıb. Belə ki, şirkətin fəaliyyət göstərməsi üçün külli miqdarda vəsaitin xərclənməsi lazımdır. May ayının sonunda Kalanick-in ailəsi qayıqla səyahət zamanı qəza keçirtmişdi. Həmin qəza zamanı Travis Kalanick-in anası vəfat etmişdi. Onun atası isə ciddi travmalar səbəbilə xəstəxanaya yerləşdirilmişdi. Qeyd etmək lazımdır ki, son vaxtlarda “Uber”i bir çox uğursuzluqlar izləyir. Bir sıra ölkələrdə sözügedən taksi xidmətinə qoyulmuş qadağa, şirkət daxili qadın işçilərin diskriminasiyası münaqişəsi və s.
Keçən ilin sonunda satışa çıxmış Redmi K30 smartfonu alıcılar arasında çox məşhurlaşdı. Lakin bir ço..
Apple şirkəti dəfələrlə cinayətkarların iPhone smartfonlarının blokdan çıxarılmasından imtina etməsi..
Bir neçə gün bundan öncə internetdə Galaxy S20 smartfon seriyası ilə qatlana bilən Galaxy Z Flip-in ..
Avropa komissiyası ictimai yerlərdə üz tanıma sistemlərinin tətbiq edilməsi qaydalarına yenidən nəzə..
Microsoft Windows 10-un yeni versiyası üzərində işlərə davam edir. Bu səfər şirkət WordPad proqramın..
Leica firması kamera sensorları və kameraları ilə məhşur bir firmadır. Bu səfər ağ-qara çəkən Leica ..
