Uber'in keçmiş CEO'su Travis Kalanick'in CloudKitchens adlı startapı 400 milyon dollar investisiya aldı

Uber'in keçmiş CEO'su Travis Kalanick'in CloudKitchens adlı startapı 400 milyon dollar investisiya aldı

Texnologiya
08.11.2019 PAYLAŞIM

    Uber şirkətinin təsisçisi və keçmiş CEO-su olan Travis Kalanick-in CloudKitchens adlı startapı Səudiyyə Ərəbistanın milli rifah fondundan (PIF) 400 milyon dollar investisiya cəlb edib. Nəticədə startapın bazar dəyəri 5 milyard dollar təşkil edib. Bu barədə The Wall Street Journal xəbər verib. Məlumatda qeyd edilib ki, CloudKitchens və PIF arasındakı bu müqavilə üzrə müzakirələr hələ 2018-ci ilin yaz fəslindən bəri gedirdi. Lakin sözügedən müqavilə yalnız bu ilin yanvar ayında bağlanılıb.

    Bundan öncə Kalanick yeni startapına öz cibindən vəsait yatırmışdı. Söhbət, 200 milyon dollardan gedir. O bu vəsaiti Uber səhmlərinin satılmasından əldə etmişdi. Məlumata əsasən bu ilin yanvar ayında Kalanick öz startapına əlavə 100 milyon dollar investisiya yatırmışdı. PIF isə bu məsələ ilə bağlı fikir bildirməkdən imtina edib. Qeyd etmək lazımdır ki, CludKitchens restoranlar üçün yalnız çatdırılma üzrə fəaliyyət göstərən mətbəxlərin inşa edilməsi ilə məşğuldur.

    Bundan əlavə olaraq startap bu cür restoranlar üçün həmçinin proqram təminatını da hazırlayır. The Wall Street Journal-ın verdiyi məlumata əsasən PIF 2016-cı ildə həmçinin Uber şirkətinə 3.5 milyard dollar investisiya yatırmışdı. Kalanick 2017-ci ildə onunla bağlı baş tutmuş qalmaqalların fonunda Uber şirkətindən ayrılmışdı. O, CloudKitchens üzrə idarəetməni 2018-ci ilin mart ayında 150 milyon dollara almışdı. Bu ilin fevral ayında isə məlum oldu ki, Kalanick öz yeni startapına Uber-dən olan mütəxəssisləri cəlb edir.



SİZƏ MARAQLI OLACAQ BİR NEÇƏ MƏLUMAT


Elon Musk-ın Roadrunner adlı gizli layihəsi: Daha ucuz və yüksək həcmli batareya..

 Son bir neçə ay ərzində Tesla şirkəti öz elektromobilləri üçün batareya istehsalı ilə özünün məşğul..


Citroen şirkəti 4 iPhone qiymətinə satılan Ami adlı elektromobili təqdim etdi (V..

Avtomobil istehsalçısı olan Citroen orijinal dizayna və ultrakompakt ölçüyə sahib Ami adlı elektromo..


Huawei, dünyanın ilk Wi-Fi 6+ routerini təqdim etdi: HarmonyOS ilə işləyəcək..

Huawei bəzi 5G cihazlarını təqdim edərkən Wi-Fi 6+ texnologiyasına malik olan dünyanın ilk routerini..


Samsung yeni nəsil OLED ekranların hazırlandığını elan etdi

Samsung şirkəti yeni nəsil OLED ekranların hazırlandığını elan etdi.


HTC şirkəti Wildfire R70 adlı yeni büdcəli smartfonunu təqdim etdi

Uzun zaman ərzində barəsində səs-səmir gəlməyən HTC şirkəti yeni ildə ilk smartfon modeli olan Wildf..


109 illik qısa film Süni Zəka vasitəsilə 4K keyfiyyətə yüksəldildi

1911-ci ildə çəkilən qısa film Denis Shiryaev tərəfindən 4K keyfiyyətə süni zəka vasitəsilə yüksəldi..