Ucuz batareyalar Tesla şirkətinin öz rəqibləri üzərində əsl üstünlüyüdür

Ucuz batareyalar Tesla şirkətinin öz rəqibləri üzərində əsl üstünlüyüdür

Texnologiya
13.02.2020 PAYLAŞIM

    Tesla şirkətinin öz rəqibləri üzərində yaratdığı dominantlıq əsasən elektromobillərdə vacib olan ən əsas element ilə təyin edlir. Söhbət, elektromobillər üçün olan batareyalardan gedir. Çox qəliz hesablamalar nəticəsində (istehsalçılar bu məlumatları gizlədirlər) məlum olub ki, Tesla-nın istifadə etdiyi silindrik formalı batareyaların qiymətləri kilovatt saata görə 158$ təşkil edir. Porsche TaycanChevrolet Bolt EV modellərində istifadə olunan yastı batareyaların qiymətləri minimum 25% daha bahadır. BMW-nin elektromobillərində istifadə olunan prizmatik batareyaların qiymətləri isə 40% daha bahadır.

    Tesla-nın rəqibləri üçün olan pis xəbər ondan ibarətdir ki, yaxın 10 il ərzində batareyaların qiymətləri baxımından Tesla-ya çatmaq mümkün olmayacaq. Bu barədə Hightech.plus saytı xəbər verib. Tesla şirkəti elektromobil bazarında lider şirkət olaraq qalır. Lakin yaxın zamanda o, ənənəvi avtomobil istehsalçıları ilə yüksək rəqabətə keçə bilər. Belə ki, öz avtomobillərini elektrikləşdirilmiş sistemə keçirdən şirkətlərin sayı getdikcə artır. Lakin Elon Musk-ın şirkətini geridə qoymaq heç də asan olmayacaq.


    Tesla-nın əsas uğuru təkcə mühəndis və marketinq qərarlarında deyil. Həmçinin şirkətin elektromobillərində istifadə olunan batareyaların nisbətən ucuz olmasındadır. Belə ki, elektromobillərin ən bahalı hissələrindən biri də məhz batareyalardır. Cairn Energy Research Advisiors şirkətinin analitikləri hesablayıblar ki, keçən il Tesla-da istifadə olunan silindrik formalı batareyaların qiymətləri kilovatt saata görə 158$ təşkil edib. Tesla-nın rəqibləri isə digər formalı batareyalardan istifadə edirlər və nəticədə həmin batareyalar daha baha başa gəlir.

    Məsələn Porsche Taycan və Chevrolet Bolt EV modellərində istifadə olunan yastı batareyaların qiymətləri kilovatt saata görə 200$ təşkil edir. BMW-nin elektromobillərində istifadə olunan prizmatik batareyaların qiymətləri isə kilovatt saata görə 253$-dır. Avtomobil istehsalçıları öz modellərində istifadə olunan batareyaların qiymətləri barəsində məlumat vermirlər. Buna görə də Cairn Energy şirkətinin analitikləri həmin qiymətləri qəliz riyazi modellər vasitəsilə təyin ediblər.

    Bundan əlavə olaraq analiz nəticəsində məlum olub ki, 2016-cı ildən bəri elektromobillər üçün olan batareyaların qiymətləri aşağı düşüb. Həmin vaxtda silindrik formalı batareyaların qiymətləri kilovatt saata görə 265$, yastı batareyaların qiymətləri 285$, prizmatik batareyaların qiymətləri isə 320$ təşkil edirdi. Əgər bu trend davam etsə, 2030-cu ilə kimi silindrik batareyaların qiymətləri 98$, yastı batareyaların qiymətləri 137$, prizmatik batareyaların qiymətləri isə 143$ olacaq. Bu üsul ilə düzgün batareya növünün seçimi öz növbəsində Tesla şirkətinin liderliyini 10 ildən sonra da qoruyub saxlayacaq. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..


Intel Core i9-dan daha güclü: Apple M1 Max prosessoru Geekbench testlərindən keç..

Yeni MacBook Pro (2021) noutbuklarının təqdimatlarından sonra internetdə M1 Max prosessorunun ilk Ge..

×