Bildirilir ki, Ukrayna, əsgərlərə kömək etmək üçün “BAD One” kimi tanınan dördayaqlı robot itlərdən istifadə edir. Bu robotlar, minaların axtarışı və ya düşmən qüvvələrinə casusluq kimi həyati təhlükəsi olan tapşırıqları yerinə yetirərək insan itkisinin qarşısını almağı hədəfləyir.

     Ayağa qalxmaq, əyilmək, hətta qaçmaq və tullanmaq qabiliyyətinə malik olan BAD One, aktiv müharibə zonalarında termal görüntü texnologiyasından istifadə edərək düşmən cəbhə xəttlərini skan etmək və ya şübhəli binaları yoxlamaq üçün istifadə edilə bilər. BAD One və ya oxşar robotlar, əsgərlər üçün riskləri azaltmaqla və onların əməliyyat imkanlarını təkmilləşdirməklə Ukraynanın müdafiəsi üçün əvəzolunmaz aktivə çevrilə bilər.

     BAD One kimi robot itlər, getdikcə əlçatan olur. Sadə işlər üçün istifadə ediləcək robotlar, bir neçə min dollara onlayn satılır. Digər tərəfdən BAD One adlı robotun dəqiq xüsusiyyətləri, qiyməti və istehsalçısı göstərilməsə də, 7 kilo yük daşıya bildiyi bildirilir. Digər tərəfdən, BAD Two adlı daha təkmil modelin də olduğu qeyd edilir. Özünü Yuri kimi təqdim edən robotun operatoru, hərbi texnika təmin edən Böyük Britaniyada fəaliyyət göstərən şirkətdə işləyir və robotun 2 saatlıq batareya ömrünün olduğunu söyləyir. Əlavə olaraq, neçə ədəd robotun yerləşdirildiyi də bəlli deyil.