Bir neçə ay ərzində olmuş məlumat sızıntılarından sonra Xiaomi şirkəti sonunda yeni gamer smartfon modeli olacaq Black Shark 3-ün təqdimat tarixini elan etdi. Bu barədə Gagadget saytı xəbər verib. Beləliklə şirkətin təqdim etmiş olduğu rəsmi posterə əsasən smartfon 3 mart tarixində Çində təqdim olunacaq. Qeyd etmək lazımdır ki, sözügedən gamer smartfonu Tencent şirkəti ilə birgə əməkdaşlıq çərçivəsində hazırlanır. Son məlumat sızıntılarına əsasən Black Shark 3 smartfonu Snapdragon 865 prosessoru, 16 GB RAM, 5G modem və 65 vatt gücündə sürətli şarj texnologiyalı 5000 mAh enerji tutumlu batareya ilə təchiz olunacaq. Smartfonun hansı qiymətə satılacağı barəsində bir məlumat yoxdur.