Xiaomi CEO-su Mi 10 smartfon seriyasının nəyə görə belə baha qiymətə satılmasına aydınlıq gətirdi

Xiaomi CEO-su Mi 10 smartfon seriyasının nəyə görə belə baha qiymətə satılmasına aydınlıq gətirdi

Texnologiya
14.02.2020 PAYLAŞIM

    Xiaomi-nin dünən təqdim etmiş olduğu Mi 10Mi 10 Pro flaqman smartfon modelləri müasir texniki göstəricilər və təkmilləşdirilmiş kameralar ilə yanaşı həmçinin Mi seriyasında ən yüksək qiymət göstəricisinə də sahibdirlər. Smartfonların təqdim olunmasından sonra şirkətin CEO-su Lu Weibing sözügedən smartfonların nəyə görə belə baha qiymətə satılmalarına aydınlıq gətirib. Bu barədə Androidauthority saytı xəbər verib. Onun sözlərinə əsasən smartfonların qiymətlərinin bu qədər yüksək olmasının əsas səbəbi şirkətin Snapdragon 855 prosessorundan Snapdragon 865 prosessoruna keçid etməsidir.

    Belə ki, təkcə Snapdragon 865 prosessoru smartfonların pərakəndə qiymətlərinə 70$ əlavə edib. Bundan əlavə olaraq Lu Weibing qeyd edib ki, 90 Hz-lik təsvir yenilənməsinə və ön kamera üçün olan dairəvi çıxıntıya sahib kənarları əyilmiş OLED ekranlara keçid də öz növbəsində smartfonların qiymətlərinə təsir göstərib. Belə ki, bu cür ekran modulları Mi 9-da istifadə olunan ekran modullarından fərqli olaraq şirkətə 2 qat daha baha başa gəlib.

    Bundan əlavə olaraq keçmiş modellərdən fərqli olaraq yeni smartfon modellərinin RAM yaddaşlarının çalışma sürəti 20% daha yüksək olub. Bu isə öz növbəsində LPDDR4 standartı əvəzinə LPDDR5 standartından istifadə ilə əlaqəlidir. Bu da smartfonun qiymətinin yüksəlməsinə gətirib çıxardıb. Nəticədə Lu Weibing qeyd edib ki, yeni flaqman smartfon modelləri 108 MP-lik kamera, yüksək həcmli batareya, sürətli şarj texnologiyası və yeni nəsil soyutma sistemi ilə təchiz olunurlar. Bütün bu texnologiyaların istifadə olunması Mi 10 flaqman smartfon seriyasının qiymətinin bahalaşmasına səbəb olub.



SİZƏ MARAQLI OLACAQ BİR NEÇƏ MƏLUMAT


Redmi brendi öz ilk smart qolbağını təqdim etdi - QİYMƏTİ

Xiaomi şirkətinin Redmi brendi Mi Fan Festival tədbiri çərçivəsində özünün ilk smart qolbaq modelini..


Yeni büdcəli iPhone modelinin adı Apple saytında təsdiqləndi

Son bir neçə ay ərzində insayderlər iPhone SE smartfon modelinin davamçısı barəsində çoxlu sayda məl..


Xiaomi şirkəti 144 MP-lik kameraya sahib Mi CC10 Pro (Mi 10S Pro) smartfonu üzər..

Məşhur hindistanlı insayder Sudhanshu Ambhore qeyd edib ki, Xiaomi şirkəti hal hazırda kamera göstər..


Redmi Band fitnes qolbağının ilk rəsmi fotosu təqdim olundu

Bugün Xiaomi şirkəti öz 10 illiyi şərəfinə böyük təqdimat tədbiri keçirdəcək və həmin tədbirdə yeni ..


MIUI 12 istifadəçi interfeysinin fotoları ortaya çıxdı

Xiaomi şirkəti artıq bir neçə müddətdir ki, MIUI 12 interfeysi üzərində çalışır. İndi isə internetdə..


Galaxy Note 20+ 5G smartfonu Geekbench testlərindən keçdi

Baxmayaraq ki, Galaxy Note 20 smartfon seriyasının  təqdimatına hələ çox var, məşhur Geekbench bençm..