Xiaomi Mi 8 Exploration Edition'un arxa qapağının əslində şəffaf olmadığı məlum oldu
02.06.2018
Farid Pardashunas
Yeni Xiaomi Mi 8 flaqman smartfonu
bir çoxlarının ürəyincə oldu. Əsasən də istifadəçi üzünün dəqiq 3D skan
texnologiyasına və ekrana inteqrasiya olunmuş barmaq izi skanına sahib olan
Exploration Edition modelini hamı bəyəndi. Qeyd etmək lazımdır ki, bu modelin arxa qapağı şəffafdır və onun sayəsində
smartfonun daxili komponentlərini görmək olar. Lakin sonradan məlum olub ki, bu
məsələdə təqdimat zamanı Xiaomi şirkəti də sonuna kimi dürüst olmayıb.
Belə ki, təqdimatdan sonra smartfonun arxa
qapağı tərəfdən smartfonun daxilindəki əsl komponentlərin görünməsinə şübhə ilə
yanaşan bir sıra videolar yayıldı. Bir çoxları güman etdilər ki, Xiaomi şirkəti
arxa qapağa sadəcə olaraq daxili komponentlərin stikerini yapışdırıb. Şirkət
tez bir zamanda bu məlumatları inkar etsə də sonradan məsələnin əsl tərəfi
ortaya çıxıb. Belə ki, şirkətin rəsmi saytında kiçik şriftlərlə məlumat yerləşdirilib
ki, şəffaf qapağın altında heç bir funksionallığa sahib olmayan həcmli
komponentlərin surəti yerləşdirilib. Yəni əsl işlək komponentlər həmin surətin altında
yerləşir. Lakin buna baxmayaraq bu cür qərar qeyri-adi və effektli görünür.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ