Xiaomi Mi Band 3-ün qiyməti anonsdan öncə məlum oldu

    GizChina.it saytının verdiyi məlumata görə Xiaomi şirkətinin online mağazasında yeni Mi Band fitnes qoılbağının səhifəsi ortaya çıxıb. Həmin səhifə yeni nəsil qolbağın texniki göstəriciləri barəsində məlumat verməsə də onun qiymətini ortaya qoyub. Beləliklə Mi Band 3 fitnes qolbağı Çin bazarında 26$ qiymətinə satılacaq. Hal hazırki Mi Band 2 modeli 22-24$ qiymətinə satılır. Məlumatlara əsasən Mi Band 3 bir qədər böyüdülmüş OLED ekran, xüsusi jestlərlə idarəetmə sistemi, Bluetooth 4.2 və IP67 standartı üzrə sudan qorunma özəlliyi ilə təchiz olunacaq. Qeyd etmək lazımdır ki, Mi Band 3 Xiaomi Mi 8 ilə birlikdə 31 May tarixində təqdim olunacaqlar.