Xiaomi şirkəti özünün çərçivəsiz Mi Mix 3 flaqman modelinin təqdimat tarixini rəsmi olaraq elan etdi. Beləliklə Weibo sosial şəbəkəsində Xiaomi şirkəti tərəfindən paylaşılmış posterə əsasən Mi Mix 3 25 Oktyabr tarixində Pekində təqdim olunacaq. Bundan əlavə olaraq şirkət tərəfindən paylaşılmış daha bir foto sayəsində belə qənaətə gəlmək olar ki, Mi Mix 3 5G texnologyasına və 10 GB RAM-a sahib olacaq. Təəssüflər olsun ki, smartfon barəsində digər əlavə məlumat yoxdur. Əvvəlki məlumat sızıntısına əsasən Mi Mix 3 slayder formatında hazırlanacaq. Bundan əlavə olaraq smartfonun 6.4 inç AMOLED ekran, Snapdragon 845 prosessoru, 8 GB RAM, ikili arxa kamera və ekrana inteqrasiya olunmuş barmaq izi skanı ilə təchiz olunacağı gözlənilir. Çox güman ki, smartfon MIUI 10 interfeysli Android 9.0 Pie əməliyyat sistemi vasitəsilə çalışacaq.