Reklam
Xiaomi Mijia Glasses Camera adlı smart eynəyini təqdim edib - QİYMƏTİ

Xiaomi Mijia Glasses Camera adlı smart eynəyini təqdim edib - QİYMƏTİ

Texnologiya
01.08.2022 PAYLAŞIM

    Xiaomi şirkəti öz smart eynəyini təqdim edib. Təqdim edilmiş smart eynək Mijia Glasses Camera adını əldə edib. Məlumata əsasən şirkət sözügedən eynək üzərində 2 il ərzində çalışıb və digər şirkətlərin bu sahədə olan prototip cihazlarından fərqli olaraq Mijia Glasses Camera kütləvi istehsala və satışlara hazır olan bir məhsuldur. Bununla belə onun qiyməti orta büdcəli smartfonun qiyməti ilə eynidir. Bu smart eynək xarici görünüşcə adi eynəyə bənzəmir. Eynək olduqca böyük ölçüyə sahibdir və onun şüşələrinin kənar hissələrində kameralar yerləşir. Eynəyin çəkisi 100 qramm təşkil edir. Mijia Glasses Camera Qualcomm prosessoru, 3 GB RAM32 GB daxili yaddaş həcmi ilə təchiz olunub.


    Eynəyin smartfonla sinxronlaşdırılması üçün onda Wi-Fi modul və Bluetooth 5.0 texnologiyası reallaşdırılıb. Smart eynəyin smartfondan müstəqil şəkildə çalışıb-çalışmadığı məlum deyil. Smart eynək özündə Sony istehsalı olan 0.23 düym micro-OLED ekranı birləşdirir. Məlumatda qeyd edilib ki, istifadəçi hətta günəşli havada da ekrandakı məlumatları tam aydın şəkildə görə bilər. 50 MP-lik əsas kamera və 8 MP-lik periskop kamerası optik stabilizasiya sistemi ilə birlikdə 5 qat optik və 15 qat rəqəmsal zoom-u təmin edirlər. Eynək həmçinin 1020 mAh enerji tutumlu batareyaya sahibdir.

    Xiaomi-nin verdiyi məlumata əsasən bir dəfə şarj olunandan sonra bu smart eynək 100 dəqiqə ərzində video çəkiliş rejimində çalışa bilir. 10 vatt gücündə olan maqnit şarj sistemi vasitəsilə eynək 80% enerjini 30 dədiqə ərzində yığır. Eynəyin imkanları barəsində məlumat çox azdır. Məlumdur ki, o, videolar və fotolar çəkə bilir. Daha sonra isə istifadəçi öz istəyinə uyğun olaraq çəkilmiş videoları və ya fotoları smartfonunda redaktə edə bilər. Bundan əlavə olaraq sözügedən eynək bir dildən digər dilə tərcüməni reallaşdıra və artırılmış reallıq rejimində müxtəlif kontentləri əks etdirə bilər. Çində ilk alıcılar üçün eynək 370$-a satılacaq. Lakin onun pərakəndə satış qiyməti 400$ təşkil edəcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Samsung Galaxy Watch 5 smart saatları və naqilsiz Buds 2 Pro qulaqlıqları təqdim..

Samsung şirkəti qatlana bilən yeni smartfonları (Galaxy Z Fold 4 və Galaxy Z Flip 4) ilə yanaşı həmç..


Qatlana bilən smartfon, naqilsiz qulaqlıqlar və planşet: Xiaomi 11 avqustda təqd..

Xiaomi şirkəti 3 yeni məhsulunun tizer materiallarını təqdim edib.


Məşhur analitik Apple şirkətinin qarışıq reallıq cihazı haqqında yeni məlumatlar..

Analitikin sözlərinə əsasən şirkət il ərzində 1.5 milyon ədəd qarışıq reallıq cihazını satışa çıxart..


Apple M2 və M2 Pro prosessorlu Mac mini üzərində çalışır

Bloomberg saytının jurnalisti Mark Gurman Apple şirkətinin yeni Mac mini kompüteri barəsində məlumat..


Nothing şirkəti yeni məhsullarına işarə edən video təqdim edib (VİDEO)

Nothing şirkəti öz Youtube kanalında “What’s after Phone (1)?” adlı video təqdim edib.


Tesla Optimus robotunun əllərinin əks olunduğu tizer foto təqdim edilib

Tesla AI Day Part 2 tədbirinin keçirilməsinə az müddət qalmış şirkət insana bənzər Tesla Optimus adl..

×