Xiaomi öz superkompüterini hazırlayır
Elm & Texnologiya
27.12.2024
Emil
Xiaomi artıq öz məhsullarında aktiv şəkildə süni zəka texnologiyalarından istifadə edir. Lakin uzunmüddətli perspektivdə şirkət məhsullarındakı süni zəka funksiyaların sayı daha da artacaq və onlar daha keyfiyyətli olacaqlar. Məsələ burasındadır ki, Xiaomi 10 000 qrafik prosessordan təşkil edilmiş superkompüterini hazırlayır. Məlumata əsasən Xiaomi şirkəti süni zəka sahəsindəki tədqiqatlarına hələ 2016-cı ildə start verib və həmin müddətdən şirkətin bu istiqamətdəki mütəxəssislərinin sayı 6 dəfə artıb.
Bu ilin əvvəlində şirkət böyük dil modellərinin və neyron şəbəkələrinin təlimatlandırılması üçün nəzərdə tutulmuş 6500 ədəd qrafik prosessora sahib olub. Lakin son zamanlarda şirkət öz qrafik prosessorları sayının 10 000-ə çatdırılması üzrə işlər görüb. Məlumata əsasən superkompüter layihəsinə Xiaomi-nin CEO-su Lei Jun özü şəxsən rəhbərlik edir. Böyük dil modellərinin yaradılması mövzusunda 10 000 qrafik prosessordan təşkil edilmiş sistemlər artıq Çin şirkətləri üçün standart hesab edilir. Bu cür hesablama gücü sayəsində şirkət süni zəka sahəsində aparıcı həllər yarada bilər.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
