Xiaomi Redmi Note 5 və Note 5 Pro təqdim olundular

Xiaomi Redmi Note 5 və Note 5 Pro təqdim olundular

Texnologiya
14.02.2018 PAYLAŞIM

“Xiaomi” şirkəti Hindistanda Xiaomi Redmi Note 5 və Redmi Note 5 Pro modellərini təqdim etdi.

Yeni smartfonların əsas özəllikləri 18:9 nisbətində ekranlara sahib olmalarıdır. Bundan əlavə olaraq onlar böyük batareya həcminə və heç də pis olmayan prosessorlara sahibdirlər. Texniki özəlliklərə gəldikdə isə Redmi Note 5 5.99 inç maye kristallik Full HD+ IPS ekran, Snapdragon 625 prosessoru, 3/4 GB RAM, 32/64 GB daxili yaddaş və 4000 mAh enerji tutumlu batareya ilə təchiz olunub. Kameralar baxımından Redmi Note 5 f/2.2 diafraqmalı 12 MP-lik arxa və 8 MP-lik ön kameraya sahibdir. Onun korpusu isə alüminiumdan hazırlanıb. Smartfon MIUI 9 interfeysli Android Nougat əməliyyat sistemi vasitəsilə çalışır. 3 GB RAM və 32 GB daxili yaddaşa sahib versiya 156$-a, 4 GB RAM və 64 GB daxili yaddaşa sahib versiya isə 186$-a satılacaq.



Lakin tədbirdə əsas diqqət Redmi Note 5 Pro modelinə ayrılıb. Redmi Note 5 Pro modeli 18:9 nisbətində 5.99 inç IPS ekrana sahibdir. Əvvəlki modellərdən fərqli olaraq bu yeni model nazik çərçivələr ilə təmin olunub. Redmi 5 Plus modelində olduğu kimi Redmi Note 5 Pro-da da fiziki düymələr sensorlu düymələr ilə əvəz olunub. Smartfonun korpusu alüminiumdan hazırlanıb və arxa tərəfdən plastik çərçivələr ilə əhatə olunub. Qeyd etmək lazımdır ki, hər iki smartfonda barmaq izi skanı texnologiyası arxa paneldə yerləşir. Şarj üçün adi microUSB girişi istifadə olunur və smartfon həmçinin ənənəvi 3.5 mm-lik audiogirişə də sahibdir.


Texniki göstəricilərə gəldikdə isə smartfon 8 nüvəli Snapdragon 636 prosessoru, Adreno 509 qrafik sürətləndirici, 4/6 GB RAM, 32/64 GB daxili yaddaş və 4000 mAh enerji tutumlu batareya ilə təchiz olunub. Pro versiyanın əsas özəlliyi ikili arxa kameraya sahib olmasıdır. Belə ki, smartfon biri f/2.2 diafraqmalı 12 MP, digəri isə f/2.0 diafraqmalı 5 MP olmaqla ikili arxa kamera və 20 MP-lik ön kamera ilə təmin olunub. O, MIUI 9 interfeysli Android Nougat əməliyyat sistemi vasitəsilə çalışır. 4 GB RAM və 32 GB daxili yaddaşa sahib versiya 220$-a, 6 GB RAM və 64 GB daxili yaddaşa sahib versiya isə 265$-a satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


NASA Mars səthində olan Ingenuity dron aparatının ilk uçuşunu uğurla reallaşdırd..

NASA agentliyi Ingenuity dronunun Mars atmosferində ilk uçuşunu uğurla reallaşdırdığını elan edib. ..


NASA astronavtlarının Aya göndərilməsi ilə SpaceX məşğul olacaq

NASA agentliyi SpaceX şirkəti ilə vacib müqavilə bağlayıb.


Elon Musk bu ilin sonuna kimi Starlink peyk internetinin mobil olacağına söz ver..

Elon Musk bildirib ki, Starlink peyk interneti 2021-ci ildə tamamilə mobil olacaq və bu da öz növbəs..


Blue Origin şirkəti kosmik turistlər üçün olan New Shepard raketinin son uçuş te..

Jeff Bezos-un aerokosmik şirkəti olan Blue Origin özünün New Shepard adlı raketinin final uçuş testi..


NASA-nın yeni aparatının Aya çatdırılması SpaceX şirkətinə həvalə edilib..

NASA-nın Ay səthi üçün nəzərdə tutulmuş yeni aparatı (moon rover) Yer kürəsinin peykinə Falcon Heavy..


Huawei: 'Dünyada olan prosessor çatışmazlığı probleminin səbəbi ABŞ sanksiyaları..

Son zamanlarda dünyada mikrosxem çatışmazlığı problemi yaşanır. Bu isə öz növbəsində məhsulların qiy..

×