Xiaomi şirkəti Mi9 smartfonundan başqa özünün yeni naqilsiz şarj cihazlarını da təqdim etdi

Xiaomi şirkəti Mi9 smartfonundan başqa özünün yeni naqilsiz şarj cihazlarını da təqdim etdi

Texnologiya
20.02.2019 PAYLAŞIM

    Xiaomi şirkəti Mi9 Mi9 SE smartfon modellərindən başqa həmçinin özünün aksessuarlar seriyasını da təqdim edib. Yeni cihazlar sırasında sürətli naqilsiz şarj batareyası olan Mi Wireless Power Bank, yenilənmiş şarj stansiyası olan Mi Wireless Charger və avtomobillərdə cihazların şarjı üçün nəzərdə tutulmuş Mi Wireless Car Charger var. Mi Wireless Power Bank 10.000 mAh enerji tutumlu batareya həcminə sahibdir və o, enerjini cihazlara “hava” vasitəsilə ötürür.


Bənzər xəbər


    Bununla yanaşı sözügedən powerbank modeli həmçinin iki ədəd giriş ilə də təchiz olunub. Beləliklə bu powerbank vasitəsilə eyni anda 3 cihazı şarj etmək olar. Texniki göstəricilər baxımından bu powerbank modeli 10 vatt gücündə naqilsiz şarj prosesini təmin edir, USB Type-C girişi )18 vattlıq enerji qəbulu və ötürülməsi) və USB Type-A girişi (18 vattlıq enerji ötürülməsi) ilə təchiz olunub. Powerbankın özü isə 18 vatt gücündə olan enerji mənbəsi vasitəsilə 4 saat ərzində tam şarj olunur. Mi Wireless Power Bank Çində 22$ qiymətində satılacaq.


    Mi Wireless Charger Mi Mi 3 smartfonu ilə birlikdə satılan naqilsiz şarj stansiyasının yenilənmiş versiyasıdır. Yenilənmiş naqilsiz şarj stansiyasının əsas özəlliyi isə onun 27 vatt gücündə enerjini qəbul edərək 20 vatt gücündə enerjini ötürə bilməsindədir. Məsələn təqdim olunmuş Mi9 smartfonunu həmin naqilsiz şarj stansiyası vasitəsilə 60 dəqiqə ərzində tamamilə şarj etmək olar. Mi Wireless Charger Çində 15$-a satılacaq.


    Daha bir yeni cihaz isə avtomobillər üçün nəzərdə tutulmuş Mi Wireless Car Charger adlı naqilsiz şarj stansiyası olub. Sözügedən cihaz avtomobilin daxilindəki ventilyasiya hissəsinə bərkidilir və smartfonu şarj stansiyasına yerləşdirən zaman şarj stansiyası avtomatik olaraq smartfonu özündə bərkidir. İstifadəçi smartfonu götürmək istəyən zaman isə şarj stansiyasının smartfonu bərkitmə gücü bir qədər sadələşir. Şarj stansiyası maksimum 81.5 mm qalınlığında olan smartfonları dəstəkləyir. Enerji cihazından asılı olaraq şarj stansiyasının maksimal enerji qəbulu gücü 27 vatt, enerji ötürülməsi gücü isə 20 vatt təşkil edir. Mi Wireless Car Charger Çində 25$-a satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Blue Origin şirkəti gələn ay olacaq ilk kosmik turistik uçuşa əlavə sərnişin yer..

Jeff Bezos-un Blue Origin şirkəti kosmosa ilk özəl uçuş missiyası üçün əlavə sərnişin yerini 28 mily..


NASA agentliyi astronavtları Aya yollayacaq yeni raketini sərgiləyib

NASA agentliyi ilk dəfə olaraq özünün Space Launch System (SLS) adlı raketlərini sərgiləyib...


Facebook-un ilk smart saatı barəsində yeni məlumatlar verilib

İnsayderlər Facebook şirkətinin ilk smart saatı barəsində yeni məlumatları veriblər.


Məşhur analitik Apple şirkətinin AR cihazının nə zaman təqdim olunacağını açıqla..

WWDC 2021 konfransından sonra məşhur analitik Ming-Chi Kuo, Apple şirkətinin öz artırılmış reallıq c..


Amazon-un yaradıcısı Jeff Bezos yaxın zamanda kosmosa yollanacaq

Amazon şirkətinin təsisçisi Jeff Bezos heç gözlənilmədən kosmosa uçmaq planını elan edib...


Çin Kosmik Stansiyasının yeni növ mühərriklər vasitəsilə çalışacağı məlum olub..

Yer kürəsinin orbitində yığılmasına start verilmiş Çin Kosmik Stansiyası barəsində yeni məlumatlar o..

×