Yaponiya ilə Cənubi Koreya arasındakı ticarət müharibəsi OLED ekranlar bazarına təsir edə bilər

Yaponiya ilə Cənubi Koreya arasındakı ticarət müharibəsi OLED ekranlar bazarına təsir edə bilər

Texnologiya
01.07.2019 PAYLAŞIM

    Nikkei saytının fikrincə Yaponiya ilə Cənubi Koreya arasında yaranmış ticarət müharibəsi elektronika bazarına ciddi təsir göstərə bilər. OLED ekranların istehsalı üçün nəzərdə tutulmuş komponentlərin ticarəti üçün qoyulmuş yeni qadağalar böyük smartfon istehsalçılarına təsir edə və yeni smartfon modellərinin istehsalat saylarını azalda bilər. Bu barədə Techcrunch saytına istinadən 4pda saytı xəbər verib. Məlumata əsasən Yapniyanın ticarət nazirliyi OLED ekranların istehsalında istifadə olunan ftorpolimerlərin Koreyaya eksportunu 4 iyul tarixindən başlayaraq məhdudlaşdıracaq.

    Yeni eksport qanununa əsasən yapon şirkətləri Cənubi Koreyadan olan hər bir alıcıya müəyyən kimyəvi maddələrin satışları üzrə hər bir müqavilənin təsdiqlənməsi üçün sorğu göndərməli olacaqlar. Bununla belə yapon şirkətlərinin bəzi reagentlər bazarındakı payları 90% təşkil edir. Yeni eksport qadağası qanunu ilk öncə sənayenin liderlərinə zərbə vuracaq: Samsung, LG, SK HynixApple. Qeyd etmək lazımdır ki, Apple şirkəti öz iPhone modelləri üçün ekran matrisalarını məhz Koreyadan olan şirkətlərdən alır.

Bənzər xəbər


    OLED ekran matrisalarının təchizatının gecikdirilməsi isə öz növbəsində bazarda cihazların çatışmazlığına və yeni cihazların qiymətlərinin yüksəlməsinə gətirib çıxara bilər. Bu cür sanksiya qərarının qəbul olunmasının əsas səbəblərindən biri kimi kütləvi informasiya vasitələri Cənubi Koreyanın ali məhkəməsinin qəbul etdiyi qərarı hesab edirlər. Belə ki, Cənubi Koreyanın ali məhkəməsi İkinci Dünya Müharibəsi zamanı koreyalıların məcburi işlədilməsi məsələsi ilə bağlı yapon sənayeçilərindən təzminat tələb edib.

    Nikkei saytının verdiyi məlumata əsasən xammalın eksportunun məhdudlaşdırılmasından əlavə olaraq olaraq Cənubi Koreyanın bu məhkəmə iddiasına cavab kimi Yaponiya Cənubi Koreyanı bir sıra ölkələrin daxil olduqları “ağ siyahı”-dan çıxarda bilər. Milli təhlükəsizliyin təmin olunması üçün nəzərdə tutulmuş texnologiyaların bu siyahıdan olan ölkələrə verilməsi zamanı onlara qarşı minimal məhdudlaşdırmalar tətbiq olunur.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Alimlər məlumatların DNT-yə yazılması və saxlanması sahəsində böyük irəliləyişə ..

Məlumatların bioloji üsullar vasitəsilə yazılması və ötürülməsi heç də sürətli bir proses deyil...


Snapdragon 8 Gen 1 prosessorlu smartfonların ön kameraları daimi şəkildə aktiv o..

Snapdragon 8 Gen 1 prosessoruna sahib olacaq smartfonların ön kameraları daimi şəkildə aktiv olacaql..


Alimlər duz dənəciyi ölçüsündə rəngli HD kamera yarada biliblər

Prinston və Vaşinqton Universitetlərindən olan alimlər duz dənəciyi ölçüsündə kamera yarada biliblər..


Yeni Snapdragon 8 Gen 1 flaqman mobil prosessoru təqdim olunub

Baş vermiş çoxlu sayda məlumat sızıntısından sonra Qualcomm şirkəti sonunda özünün yeni flaqman pros..


Çindən olan kriptovalyuta maynerləri Qazaxıstanda elektrik enerjisi kəsintilərin..

2021-ci ilin əvvəlindən başlayaraq Çin hökuməti Çində kriptovalyuta mayninqi ilə mübarizə aparmağa b..


Alimlər öz kopyalarını istehsal edə bilən və PacMan-a bənzəyən bioloji ksenobotl..

Beynəlxalq alimlər komandası mikroskopik ölçüdə olan canlı orqanizmlər yarada biliblər. Yaradılmış o..

×