12 Sentyabr tarixində Apple şirkəti öz yeni məhsullarının təqdimatını keçirdəcək. Bu səbəbdən şirkətin yeni məhsulları barəsində daha çox məlumatlar ortaya çıxmağa başlayıb. MySmartPrice adlı online mağazasının sonuncu məlumat sızıntısı isə yeni Apple məhsullarının qiymət və texniki göstərici məlumatlarını özündə birləşdirir. İlk öncə ondan başlayaq ki, yeni məlumat sızıntısına əsasən bu ilki iPhone modelləri iPhone XS və iPhone XC adlanacaqlar.

Bənzər xəbər

    Məlumata əsasən XS flaqman modelləri iki variantda satışa çıxarılacaq. Onlardan biri 5.8 inç OLED ekrana, digəri isə 6.5 inç OLED ekrana sahib olacaq. Yeni smartfonlar həmçinin Apple A12 prosessoru, 4 GB RAM və 64/256/512 GB daxili yaddaş ilə təchiz olunacaqlar. Hər iki model ikili arxa kamera və Face ID texnologiyasına sahib olacaq. Qiymətə gəldikdə isə 5.8 inç ekrana sahib versiya 899$, 6.5 inç ekrana sahib versiya isə 999$ qiymətində satılacaq. Sözügedən qiymət göstəriciləri hər iki smartfon modelinin 64 GB daxili yaddaş versiyalı variantları üçün nəzərdə tutulub.

    iPhone XC modeli iPhone 5C kimi müxtəlif rəng variantlarında satışa çıxacaq. Bu model çox güman ki, metal korpusa sahib olacaq. Beləliklə onda naqilsiz şarj texnologiyasını gözləməyə ehtiyac yoxdur. Bununla yanaşı o, 6.1 inç maye kristallik ekran, Apple A12 prosessoru və 3 GB RAM ilə təchiz olunacaq. Flaqman modellərdən fərqli olaraq XC modeli bir ədəd arxa kameraya sahib olacaq. Onun qiyməti isə 749$ təşkil edəcək.

    Apple Watch Series 4 smart saatı əvvəlki modellərdən fərqli olaraq 15% daha böyük ekrana sahib olacaq. Bununla yanaşı yeni smart saat modeli S4 prosessoru və W3 çipi ilə təchiz olunacaq. Onun qiyməti isə 349$ təşkil edəcək.

    Professional planşetlərin yeni modeli çərçivəsiz ekran və Face ID texnologiyası ilə təchiz oluna bilər. Apple şirkəti iPad Pro planşetinin iki versiyasını təqdim edəcək. 11 inç ekrana sahib versiya və 12.9 inç ekrana sahib versiya. Planşetlərin qiymətləri isə əvvəlki planşetlərdə olmuş qiymətlər kimi olacaq. Çox güman ki, şirkət yeni planşet modellərində daxili yaddaş həcmini 1 TB-a kimi yüksəldəcək.

    Sonunda MacBook da yeni versiyaya sahib olacaq. Şirkət 12 inç və 13 inç ekranlara sahib MacBook modellərini təqdim edəcək. Yeni modellərin dizaynları əvvəlki kimi qalacaq. Lakin şirkət USB Type-C girişlərin sayını artıracaq. Yeni versiyaların qiymətləri isə 999$-dan başlayacaq.