Yeni dizayna sahib Xperia XZ2 və XZ2 Compact modelləri təqdim olundu

Yeni dizayna sahib Xperia XZ2 və XZ2 Compact modelləri təqdim olundu

Texnologiya
26.02.2018 PAYLAŞIM

“Sony” şirkəti hal-hazırda Barselonada keçirilən MWC 2018 konqressində təşkil etdiyi tədbir çərçivəsində yeni Xperia XZ2 və onun kompakt versiyası olan Xperia XZ2 Compact modellərini təqdim etdi.

Təqdim olunmuş yeni smartfonlar şirkətin 18:9 nisbətində ekrana sahib olan ilk modelləridir və onlar əvvəlki versiyalardan fərqli olaraq tamamilə yeni dizayna sahibdirlər. Xperia XZ2 modelinin bütün ön paneli Gorilla Glass 5 şüşəsi ilə qorunur. Bundan əlavə olaraq bu model şirkətin ilk smartfonudur ki, 18:9 nisbətində HDR Full HD+ keyfiyyətli 5.7 düyümlük ekrana sahibdir. “Sony” başa düşür ki, ekran ölçüsünün 13% böyüdülməsi çox zaman istifadəçinin onu bir əllə istifadəsində çətinliklər yaradır. Buna görə də smartfon bu baxımdan xüsusi rejimə sahibdir. Həmin rejim vasitəsilə smartfonun interfeysini kiçildərək, onu aşağıdakı künclərdən birinə yerləşdirmək mümkündür.



Smartfonun kənar çərçivələri metaldan hazırlanıb və smartfonu əlavə dözümlülük ilə təmin edir. Xperia XZ2-nin əsas dizayn özəlliyi isə onun şişmiş arxa qapağa sahib olmasıdır. Şirkət bu cür dizayn qərarını bir neçə səbəbə görə verib. İlk öncə bu cür arxa qapağa sahib smartfon istifadəçi əlində daha rahat yerləşir. İkincisi bu cür üsulla arxa kameranın səthə çıxması problemi aradan qaldırılıb. Əsas müsbət cəhət isə ondan ibarətdir ki, bu cür arxa formaya sahib smartfonun daxilinə daha böyük batareya həcminin yerləşdirilməsi mümkün olub. Şirkət bu yeni dizaynı Ambient Flow adlandırıb. Yeni dizayna keçid özəlliyində həmçinin onu da qeyd etmək lazımdır ki, smartfonun sağ tərəfində kamera idarəetməsi üçün xüsusi düymə yerləşdirilib.


Smartfonun arxa panelinin mərkəzində barmaq izi skanı texnologiyası yerləşdirilib. Barmaq izi skanından yuxarı hissədə isə bir ədəd kamera, lazer avtofokusu və işıqlandırma sistemi yerləşir. “Sony” yenidən əsas diqqəti kameraya ayırıb. Belə ki, XZ2 modeli dünyanın ilk smartfonudur ki, 4K HDR formatında videoçəkilişi etməyi bacarır. Əvvəlki modellərdə olduğu kimi yeni smartfonlarda da Motion Eye kameralarından istifadə olunub. Bu kameralar sayəsində saniyədə 960 kadr olmaqla slow-mo videolar çəkmək olar. Bundan əlavə olaraq yeni smartfonda istifadəçi üzünün 3D skan texnologiyası da təkmilləşdirilib. Belə ki, şirkətin serverlərindəki xüsusi hesablamalar sayəsində 10 dəfə daha keyfiyyətli təsvirlər əldə etmək olur.


Smartfon həmçinin daha geniş imkanlara sahib 3D Creator tətbiqini də dəstəkləyir. Beləliklə istifadəçi nəinki təkcə arxa kamera vasitəsilə öz dostlarının və ya digər obyektlərin 3D modellərini, həmdə ön kamera vasitəsilə özünün 3D modelini yarada biləcək. Texniki göstəricilərə gəldikdə isə Xperia XZ2 Snapdragon 845 prosessoru, 4 GB RAM, 64 GB UFS daxili yaddaş (400 GB-a kimi microSD dəstəyi), 19 MP-lik arxa, 5 MP-lik ön kamera, 3180 mAh enerji tutumlu batareya (naqilsiz və sürətli Qi enerji yığma özəllikli), iki SIM kart girişi və USB Type-C girişi ilə təchiz olunub.

Şirkət XZ2 Comapct modelini dünyanın ən kompakt 5 düyümlük ekrana sahib smartfonu adlandırır. 4.6 düyümlük ekrana sahib Xperia XZ1 Compact modelindən fərqli olaraq yeni model 6 mm daha uzun və1 mm daha geniş olub. Onun korpusunun dizaynı adi XZ2-dəki kimidir. Lakin XZ2-dən fərqli olaraq kompakt versiyanın kənar çərçivələri alüminiumdan hazırlanıb. Onun arxa paneli də XZ2-nin arxa panelindən fərqlənir. Belə ki, barmaq izi skanı arxa panelin ortasından bir qədər yuxarı hissədə yerləşdirilib. Arxa kamera isə arxa panelin ən yuxarısındadır və onun sol tərəfində lazer avtofokusu ilə işıqlandırma sistemi yerləşir.


Texniki göstəricilərə gəldikdə isə kompakt versiya XZ2-dən heç də fərqlənmir. Kompakt versiya da həmin özəlliklərə sahibdir. Sadəcə bir fərq var ki, kompakt versiya 2870 mAh enerji tutumlu batareya ilə təchiz olunub və onun ön paneli Gorilla Glass ilə qorunmur. Hər iki smartfon Android 8.0 Oreo əməliyyat sistemi vasitəsilə çalışacaq. Yeni Xperia modelləri bu ilin yaz fəslində satışa çıxacaqlar. Şirkət onların qiymətləri barəsində heç bir məlumat verməyib. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Jeff Bezos-un Blue Origin şirkəti Orbital Reef adlı orbital kosmik stansiyasını ..

Jeff Bezos-un Blue Origin aerokosmik şirkəti Orbital Reef adlı özəl orbital kosmik stansiyanın yarad..


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..

×